Itali, pranga kosovarit se përdhunoi shtatzënën

ITALI- Një kosovar është arrestuar, pasi ka abuzuar seksualisht me një vajzë të re nga Italia. Pasditen e djeshme, policia e shtetit fqinj ka vënë në pranga një 35-vjeçar me origjinë kosovare, pasi ky i fundit ka përdhunuar një 24-vjeçare në një parking publik në Bergamo të Italisë. Sipas policisë italiane, ngjarja mësohet të ketë ndodhur mes të premtes dhe së shtunës së javës së kaluar. Në prangat e forcave blu të italisë ka rënë 35-vjeçari, me iniciale V.R. Ky i fundit mësohet se ishte rezident në Itali, ndërkohë që është arrestuar pasi mbi të rëndon akuza e përdhunimit të së resë italine.

Ndërkaq, nga shteti fqinj bëhet me dije se gjatë vizitave mjekësore në spital, 24-vjeçarja ka mësuar se ishte edhe shtatzënë, që do të thotë se mbi shtetasin nga Kosova akuzat bëhen edhe më të rënda, pasi në gjykimin ndaj tij do të merret parasysh se ka përdhunuar një vajzë, që ka qenë edhe shtatzënë. Kosovari u arrestua ndërkohë që rregullonte makinën e tij në të njëjtin parking, ku kishte përdhunuar vajzën nga Bergamoja. Ndërkohë, policia italiane bën me dije se kosovari ishte i martuar, si dhe babai i dy fëmijëve. Identifikimi dhe arrestimi i tij u bë i mundur falë dëshmive të vajzës së përdhunuar dhe disa shoqeve që ishin me të, natën që ndodhi ngjarja. Ndërkohë që policia vijon hetimet për zbardhjen e versionit të plotë të ngjarjes dhe mundësisë së përfshirjes së shtetasit kosovar në këtë ngjarje.
(e.m/GazetaShqiptare/BalkanWeb)