Sa kafe nuk e dëmtojnë shëndetin?

Sa kafe nuk e dëmtojnë shëndetin?

Shkencëtarët spanjollë para pak kohesh kanë ardhur ne përfundim qe deri ne gjashtë filxhanë me kafe në ditë, me ose pa kafeinë, nuk e shkurtojnë jetëgjatësinë.
Ata në revistën “Annals of Internal Medicine” kanë publikuar rezultatet e studimit për lidhjen mes konsumimit të kafesë me paraqitjen e sëmundjeve të zemrës, kancerit ose sëmundjeve të tjera.
Të anketuarit kanë qenë pjesëmarrës të dy studimeve të mëdha (Health Professionals Follow-Up Study i Nurses' Health Study), në të cilat kanë marrë pjesë 43 mijë meshkuj dhe 84 mijë femra.
Gjendja e tyre shëndetësore dhe shprehitë jetësore janë përcjellë për disa vite, në rastin e femrave prej vitit 1980 deri në vitin 2004, ndërsa te meshkujt prej vitit 1986 deri në vitin 2004. Për çdo vit ata kanë plotësuar një pyetësor në lidhje me shprehitë në të ushqyer, duke përfshirë edhe konsumimin e kafesë, duhanit dhe gjendjen shëndetësore.

Është një nga pijet më të preferuara dhe shumë njerëz thonë se pa një kafe në mëngjes nuk e nisin ditën. “Pa një kafe në mëngjes nuk e filloj ditën’. ‘Kafja më hap sytë e më gjallëron” janë shprehjet që dëgjohen më shpesh.

Por, a të mban vertët kafja zgjuar, sikurse shumë pretendojnë? Një studim i shkencëtarëve anglezë tregoi se niveli i nxitjes së ankthit mes konsumuesve të rregullt të kafesë ishte më i ulët, sesa atyre që nuk pinin kafe.
Mes personave që e kanë bërë zakon pirjen e kafesë, organizmi krijon një lloj imuniteti a tolerance ndaj kafeinës, duke shmangur çdo efekt të saj, thuhet në këtë studim. Por, kur personat që konsumojnë shumë kafe përpiqen t’a rrallojnë atë, janë të prirur për të provuar dhimbje koke, ndaj marrja rregullisht e kafesë i kthen ata përsëri në gjendjen që u dukej normale.
Nga ana tjetër, shkencëtarët kanë ngritur pyetjen se sa ndikon kafeina në shëndet, duke ndërmarrë mjaft studime. Ndërkohë, një studim në Hollandë tregoi se njerëzit që pijnë shumë kafe ose çaj nuk duhet të shqetësohen, sepse nga ato përfiton zemra e tyre.
Kafja mund të jetë e mirë edhe për trurin gjithashtu, tregoi një tjetër studim nga neuroshkencëtarët në Universitetin e Lisbonës, pasi mund të ndihmojë për të parandaluar degjenerimin nervor, shoqëruar me çrregullime të trurit dhe plakjes

E kujt ti besojme tani, disa thone kafja e tepert demton shendetin e disa jo...
Kryesorja mos te jemi te mvarur prej saj se sa per mendimin tim 1 ne dite eshte e mjaftueshme...