Plagosen dy persona në Prishtinë

Plagosen dy persona në Prishtinë

Rreth orës 9 e 30 minuta tek “Rrethi i Flamurit” në kryeqytet ka ndodhur një përleshje fizike me ç’rast dy persona kanë pësuar lëndime trupore.
Sipas burimeve të Kosovapress-it njëri person është i goditur me thikë në gjoks, ndërsa tjetri ka marr lëndime si pasoi e goditjes me një mjet të fort.

Lajmin për Kosovapress e ka konfirmuar edhe Polica e Kosovës, e cila në lidhje me këtë rast ka arrestuar disa persona.

“Rreth orës 9 e 30 minuta Policia e Kosovës ka marr një informacion se te ‘Rrethi i Flamurit’, është duke ndodhë një rrahje dhe menjëherë kemi dal në vend të ngjarjes. Bëhet fjalë për lëndim trupor me rast kanë pësuar lëndime trupore dy persona të cilët kanë qenë të involvuar në përleshje. Bëhet fjalë për një person që është i lindur në vitin 1967 dhe tjetri i lindur në vitin 1975”, ka pohuar për Kosovapress, zëdhënësja e Policisë së Kosovës, për rajonin e Prishtinës, Flora Ahmeti.

Sipas dëshmitarëve, i gjithë sherri ka plasur për shkak të mos përparësisë së kalimit në zebra.

Dy personat e plagosur janë dërguar në Qendrën Emergjente të QKUK-së dhe se sipas drejtorit Basri Lenjanit, njëri është i goditur me thikë në gjoks, ndërsa tjetri me një mjet të fort dhe se jeta e tyre nuk është në rrezik.

mir qe kan shpetu