Ronela Hajati: Cdo femer eshte pak “mace e zeze” ne vetvete

Nuk ka shume dite qe kengetarja e njohur Ronela Hajati ka hedhur ne treg kengen me te re, te titulluar “Mala gata”, nje bashkepunim me Elgit Doden dhe tekst te vete asaj. E shume komentuar neper rrjetet sociale mbi fabulen, Hajati tregon se eshte mjaft e kenaqur qe ky material po perflitet kaq shume dhe per vete faktin se, sipas saj tema qe ka trajtuar ne te eshte mjaft e ndjeshme dhe e prekshme ne realitetin shqiptar kohet e fundit. “Mendoj se eshte shume interesante fabula, e cila ne qender te saj ka dy vajza qe gjenden mes dy zgjedhjeve, dashurise dhe parase… e me vone vjen fundi tragjik. Ajo cfare kam dashur te percjell dhe them me kete kenge eshte ideja qe paraja po sundon mbi shpirtin e njerezve kohet e fundit dhe kjo eshte vertete per te ardhur keq”, tregon kengetarja gjate intervistes dhene per Koha Jone. Si lindi ideja e nje “Mala Gata”, ka hasur ne jeten e saj femra si ajo ne klip dhe si ka reaguar? Cfare e ben kaq te dashur kete prodhim, sipas Roneles dhe pas kaq vitesh karriere si kengetare pse erdhi kaq vone me nje videoklip? Te gjitha keto na i zbulon me poshte.
Nuk ka shume dite qe keni lancuar kengen me titull “Mala gata”. Eshte pritur nga publiku sic e kishit menduar Ronele?
Absolutisht qe po. Une jam shume e lumtur edhe pse kengen para dy ditesh deri diku na e kane censuruar. Kjo tregon se inatcoret jane shtuar se tepermi (qesh).
Cfare e ben te vecante per ju kete kenge?
Cdo gje. Perkushtimi ndaj saj, muzika, fjalet, klipi, fabula. Gjithcka.
Per lexuesin e “Koha Jone”, na flisni pak per fabulen dhe mesazhin qe kerkoni te percillni nepermjet saj?
Fabula eshte mjaft interesante. Ben fjale per dy vajza mes dy zgjedhjeve, dashurise dhe parase. Pastaj vjen fundi tragjik. Ajo cfare kam dashur te percjell dhe te them me kete kenge eshte ideja qe paraja po sundon mbi shpirtin e njerezve kohet e fundit dhe kjo eshte me te vertete per te te ardhur keq.
Ka shume “Mala Gata” ne Shqiperi Ronele?
Cdokush brenda vetes eshte pak Mala Gata. Perderisa ekziston instikti, te gjithe e mendojne mekatin.
Po ne jeten tuaj keni hasur “mace te zeza”? Si keni reaguar kur jane perpjekur “t’ju presin” rrugen?
Ma kane prere rrugen dhe t’ju them te drejten i kam shume bezdi. Madje njeren e kam ndjekur me vrap, derisa e kam kapur dhe e kam vervitur as vete s’e di ku. E te mendosh qe une vdes per macet.
A mendoni se cdo femer eshte pak “mala gata” ne vetvete? Po juve ju ka ndodhur te “nxirrni thonjte” ne momentin qe mund te jeni ndjere e cenuar?
Mendoj se po. Cdo femer eshte pak “mala gata” ne vetvete. Edhe une s’bej perjashtim, por jo aq shume sa ne klip. Me pak, shume me pak.
Na flisni pak per bashkepunimin me autoret e kenges, si lindi dhe a keni hasur veshtiresi ne realizimin e saj?
Me realizimin e kenges jemi marre pothuajse gjashte muaj. Donim qe gjithcka te dilte mire dhe besoj se ia kemi arritur qellimit. Sigurisht kengen e ka realizuar Elgit Doda, qe e falenderoj jashte mase shume, ndersa teksti eshte shkruar nga une si zakonisht. Jemi lodhur pak, por e rendesishme eshte qe doli dicka e bukur dhe jemi kenaqur shume.
Prej vitesh kengetare, tashme e afirmuar ne skenat shqiptare, por qe ky eshte videoklipi juaj i pare. Pse kaq vone me nje klip Ronela?
Sepse tani kam qene gati ne cdo aspekt qe te realizoja nje klip dhe kenge qe t’ia vlente, te kishte kuptim dhe te ishte ndryshe nga gjithe klipet e tjera qe jemi mesuar te shohim perdite.
Pa dashur t’ju prekim ne plagen qe dhemb shume… pak muaj me pare eshte ndare nga jeta personi juaj me i shtrenjte i familjes, babai. Si kane qene keto dite pa te Ronele? Cfare ju mungon me shumti nga ai?
Po c’mund t’ju them me shume, sesa… dhembja nuk ka fjale te pershkruhet ne fjalor. Me mungon babai im shume. Me mungon cdo gje tek ai. Kete vetem une e di.
Cfare keni marre nga karakteri i tij dhe cfare do donit t’i kishit marre me shume?
Jam tmerresisht njeri i drejte. I them gjerat sic jane dhe nuk kam njeqind fytyra. Nga im ate kam marre edhe deshiren per pune, durimin e tepruar. Do te doja t’i kisha marre me shume autoritetin, sepse une fal shume.
Ne nje status ne profilin tuaj te FB jeni shprehur qe kete kenge ia dedikoni atij. Pse pikerisht “Mala gata-n”?
Sepse eshte realizimi me i mire i imi dhe ne cdo te mire timen eshte ai.
Nese do t’i vinit nje note jetes suaj deri me tani, cfare note meriton ajo?
Kam pasur nje femijeri shume te bukur dhe kur perballesh me jeten e vertete te duhet te varesh “turinjte”. Kam shume vite qe s’jam e lumtur dhe kjo e verteton plotesisht ate shprehjen, “sa me shume t’i ngjisesh shkallet, aq me i palumtur je”. Ama duhet te vazhdosh te qeshesh.
Eshte ambicioze Ronela, cfare karakteristike i njihni dhe vleresoni vetes me bindje te plote?
Ambicioze? Hmmm… jo shume. Ama kam nje vullnet te habitshem. Po te jete fjala per pune, jam e cmendur.
Po huqe keni?
Kam edhe une huqe. Jam pak pertace ne perditshmeri per ato punet e shtepise. Jo te gjitha gjerat i bej vete.
Shoqeria duket se nje vend te rendesishem ne jeten tuaj. Pare dhe nga Fb, duket se nuk ju lene kurre vetem. Ndodh keshtu dhe ne jeten reale?
Po, shoqeria eshte gjeja me e mire qe kam. Te jesh i rrethuar nga njerez te mire eshte bukur.
Jeni ndjere ndonjehere e braktisur?
Po, ka pasur raste qe jam ndjere e braktisur, fundja si te gjithe. E cfare pastaj? “Pune e madhe”, kam thene dhe kam vazhduar te qesh.
Emri juaj eshte shume i kerkuar edhe per koncerte. Po kete vere si e keni agjenden?
Shume te ngarkuar t’ju them te drejten, sepse pervec koncerteve kam edhe kenge te tjera per te realizuar. Nuk di nga t’ia filloj me pare.
Raporti juaj me showbiz-in dhe gazetaret?
Shume i mire. Tani jam mesuar me punen e te gjitheve dhe ata me mua. Kur nuk ben skandale nuk merret njeri me ty. Keshtu edhe me gazetaret.
Ndonje projekt tjeter muzikor keni ne mendje?
Pafund. Po u realizuan ashtu sic i mendoj… me falni eeee, po me falni shumeeee, por ky vit do te jete i imi. Me kishte ardhur radha edhe mua. Albina Gjergji Koha Jone

RONEL MO U ZGJAT SHUM SKOM NERVA QE NMGJES ME TLEXU TYYY