Kriza, akuza brenda se majtes

nga **Binni** Sun 31 Jan 2010 - 10:21

Kreu i LSI-se, Ilir Meta ka deklaruar gjate nje konference per shtyp, se Strasburgu ishte nje deshtim per Partine Socialiste dhe se evidentoi politiken destruktive ne dem te vendit. (UPDATE)
Meta u shpreh se nese Shqiperia ka nje problem, ai eshte lidershipi i Partise Socialiste.
“Strasburgu ishte nje deshtim i madh per ta dhe evidentoi politiken e tyre destructive ne dem te vendit sikurse ishte edhe kerkesa e tyre per ngrirjen e kredencialeve te delegacionit shqiptar ne APKiE, e cila nuk u mor ne considerate per arsye se ne rast se Shqiperia ka nje problem qe eshte mosfunksionimi parlamentar i opozites, ky eshte nje problem qe vjen prej lidershipit te kesaj opozite”, nisi deklaraten e tij kreu i LSI-se, Ilir Meta.
Ne lidhje me dialogun e kerkuar mes mazhorances dhe opozites, Meta deklaroi se eshte Partia Socialiste qe nuk ka vullnet per dialog. Per kreun e LSI-se, as institucioni i Presidentit nuk do te arrije dot te zgjidhe krizen, kjo sipas tij per shkak se pa nisur dialogu, PS-ja vendos kushte.

“Ata jo vetem qe kane lexuar mbrapsh rezoluten, por duket qe nuk kane vullnet as per dialog. Nuk e kam tek institucioni i Presidentit por ka nje mosbesim te zotit Rama ne perpjekjen per te zgjidhur kete krize, e cila eshte kryesisht krize e opozites”, tha me tej zevendeskryeministri Meta.
Por Partia Socialiste iu pergjigj menjehere zevendeskryeministrit, te cilin e akuzoi se flet me gjuhen e Berishes kunder hetimit te zgjedhjeve dhe kerkoi qe qeveria te degjoje nderkombetaret dhe te lexoje mire deklaratat e tyre.
“Sot doli serish Ilir Meta, qe deri dje ka kerkuar vota per te larguar ‘Sali Gerdecin’, sot doli serish per te nxjerre gjuhen e Saliut nga goja e tij, e per te perseritur edhe njehere te njejtat justifikime qe po degjojme cdo dite kunder transparences se zgjedhjeve. I perserisim Sali Berishes te mos rendoje krizen port e lexoje qarte alarmin e nderkombetareve mbi mundesite e destabilizimit te vendit”, deklaroi deputetja socialiste, Olta Xhacka.
Ne lidhje me shpalljen te pavlefshme te marreveshjes detare me Greqine, ministri i Jashtem Ilir Meta, deklaroi se eshte ne pritje te vendimit te zbardhur te Gjykates Kushtetuese, per te pare pikat ku kundeshtohet marreveshja. Ai deklaroi se do te kete nje tjeter marreveshje pasi te rregullohen pikat te cilat Gjykata Kushtetuese i deklaroi te paligjshme.