Tiranë: Policia sekuestron 15 kg marihuanë

Plot 15 kilogramë lëndë narkotike, e dyshuar si e llojit marihuanë, është mundur të sekuestrohet nga forcat e policisë së Tiranës, ndërsa është arrestuar në flagrancë edhe Alfred Tufa, personi i cili po transportonte drogën e lartpërmendur.
Saktësohet se sasia e marihuanës prej 15 kilogramësh ishte e paketuar në 14 pako të presuara.
Grupi hetimor është duke shqyrtuar të gjitha pistat e transportit të kësaj sasie lënde narkotike, për të hedhur dritë mbi pikën e nisjes dhe destinacionin e saj përfundimtar.
Ndërkaq, i dyshuari i arrestuar që posedonte këtë sasi marihuane po merret në pyetje për të nxjerrë në dritë detaje të tjera mbi këtë trafik lënde narkotike.