Plagoset anëtari i këshillit bashkiak të Vlorës

Plagoset dhe ndodhet në gjendje të rëndë anëtari i këshillit bashkiak të Vlorës, Morand Hoxhaj. Automjeti i tij ka shpërthyer mbrëmë në lagjen "Isa Boletini", në kohën që Hoxha sapo ka dalë nga makina.
Pikërisht në kohën që këshilltari ka zbritur, automjeti i tij ka shpërthyer, teksa dyshohet se shpërthimi është bërë me telekomandë. Një sasi e konsiderueshme lënde shpërthyese, tritol, është vendosur në të, saqë makina është kthyer në një grumbull hekurash, ndërsa Morand Hoxhaj ka mbetur i plagosur dhe në gjendje të rëndë.
Shpërthimi ka sjellë në vendngjarje policinë, ndërsa 43-vjeçari është dërguar për në spital me urgjencë, ku i është nënshtruar operacioneve, ndërsa ndodhet në gjendje të rëndë.
Askush nuk ka pranuar të flasë lidhur me shkaqet që kanë çuar në një hakmarrje kaq të dhunshme kundrejt anëtarit të këshillit bashkiak të qytetit, ndërsa zyrtarisht policia shprehet se po hetohet në drejtime të ndryshme pa përjashtuar asgjë