Serbisë do ti duhet ta njohë një ditë Kosovën

nga Li12i-GG ARMY Sat 27 Feb 2010 - 1:36

Romë, 27 shkurt - “Kosova do të jetë problem për Serbinë në rrugën e saj drejt integrimit evropian”, tha ish ministri i jashtëm italian Gianni De Michelis, socialist italina, i cili ka qenë mik i madh i regjimeve serbe, madje edhe në kohën e Milosheviqit, si dhe dhëndër serb.
Ai shtoi se Beogradi zyrtar një ditë do të duhet ta njohë ekzistencën e Kosovës.
“Kosova është një problem shumë i komplikuar. Është një situatë e pakthyeshme. Serbia do të duhet që një ditë ta njohë ekzistencën e Kosovës. Në të njëjtën kohë, shumë gabime janë bërë në zgjidhjen e kësaj çështjeje dhe neve tani na duhet ta gjejmë një zgjidhje që së paku pjesërisht do ta zgjidhë atë”, transmeton fjalët e tij edicioni on-line i gazetës Start.