Romeo Leka: S`kisha fishekë të qëlloja. Avokati: Pengmarrësi, i sëmurë

TIRANE – Avokati mbrojtës i Romeo Lekës kërkoi sot në gjykatën e Krimeve të Rënda,
shtrim të detyrueshëm në spital për klientin e tij pasi ai vuan nga problem mendore.
Avokati Ferdinand Doja, tha se nga shqyrtimi i gjendjes së klientit të tij 25-vjeçar ka shenja të dukshme se Romeo Leka vuan nga problem mendore dhe për rrjedhim duhet të shtrohet në mënyrë të detyrueshme në spital me një urdhër të gjykatës kompetente.
Gjatë seancës së sotme tek Krimet e Rënda, 25-vjeçari i kërkoi trupit gjykues të zhvillonte shpejt seancën pasi i duhej të largohej, pa dhënë sqarime ku do të shkonte edhe pse është në gjendje arresti. “Më duhet t ëiki ndaj merrni shpejt një vendim”, ka thënë Romeo Leka para gjykatës.
Ai shtoi se ditën e pengmarrjes, pavarësisht kërcënimeve, nuk ka pasur plan të qëllonte me armë pasi postoleta tip Bereta që ai mbante në duar, nuk kishte fishekë.
Artikulli i ora 10:43
Gjykata vendos: “Burg pa afat” pengmarrësit Romeo Leka

TIRANE - Gjykata e Krimeve të Rënda në Tiranë caktoi masën e sigurisë “arrest me burg” për 25-vjeçarin Romeo Leka, i akuzuar për graitje me armë të një banke në Bulevardin kryesor të Tiranës, dhe për rrëmbimin dhe mbajtjen peng të 19-vjeçares L.H, studente e Fakultetit Juridik në kryeqytet, javen qe shkoi.
Në një seancë me dyer të mbyllura, trupi gjykues dëgjoi palët dhe miratoi kërkesën e sigurisë për të mbajtur në arrest me burg pengmarrësin deri në përfundim të hetimeve.
Sipas burimeve nga Gjykata e Krimeve të Rënda, Romeo Leka nuk dha deklarime gjatë seancës, ku prokuroria e akuzoi për grabitje me armë të bankës, rrëmbim dhe mbajtje peng të studentes, armëmbajtje pa leje dhe dy tentative grabitje me armë mbetur në tentativë ndaj një banke në Lagjen Ali Demi dhe ndaj një taksisti në unazën e Tiranës.