Fullani: Është rritur borxhi publik, bankat të zhbllokojnë kreditë

TIRANE – Guvernatori i Bankës së Shqipërisë Ardian Fullani tha sot se Shqipëria ka pësuar
rritje të borxhit publik si pasojë e shpenzimeve të vazhdueshme.
“Rritja e shpenzimeve, rritja e defiçitit dhe rritja e huamarrjes kanë dhënë ndikim të menjëhershëm dhe të ndjeshëm në aktivitetin ekonomik të vendit”, konstatoi Guvernatori i Bankës së Shqipërisë në një konferencë shtypi.
Ai tha se bankat duhet të zhbllokojnë kreditë duke lehtësuar kushtet e dhënies së huave.
Guvernatori bëri thirrje që sistemi bankar të tregohet largpamës dhe të ndihmojë ekonominë përmes kreditimit.
Fullani ka njoftuar në cilësinë e Guvernatorit të Bankës së Shqipërisë, se norma bazë e interesit nuk do ndryshojë, duke mbetur në 5.25%.