Këngët antishqiptare, ultranacionalistët e “Laos”: Marinarët heronj

ATHINE – Ndërkohë që Ministria greke e Mbrojtjes hesht për skandalin e ushtarëve të saj që bëjnë thirrje raciste kundër Shqipërisë, Maqedonisë dhe Turqisë, aleanca e majtë, “Siriza” është shprehur se dënon ashpër këngët raciste të forcave special të marinës, duke i konsideruar ato “të turpshme”.
Sipas reagimit të “Siriza”, veprime të tilla të ushtarëve grekë, nxisin nacionalizëm, ngjallin ndjenjat e urrejtjes dhe paralelisht mund të shkaktojë pasoja të rënda diplomatike që mund të cënojnë marrëdhëniet e fqinjësisë së mirë”.
Por skandali ka ngjallur edhe reagime të tjera në mbështetje të ushtarëve. Ultranacionalistet e “Laos”, janë shprehur në mbrojtje të 36 ushtarëve të marinaës.
Ata janë “heronj që japin jetën për të mirën e atdheut”, thuhet në një deklaratë të Laos.
Ora: 12:57
TIRANE – Ambasadori i Greqisë në Tiranë kërkon falje publike për thirrjet raciste të ushtarëve grekë gjatë paradës së zhvilluar më 25 mars 2010 në Athinë me rastin e festës së Ditës së Pavarësisë.
Diplomati grek në Tiranë, Nikolaos Pazios bëri deklaratë duke kërkuar falje publike për incidentin me forcat e marinës greke që kanë lëshuar thirrje dhe parrulla raciste dhe antishqiptare.
Ambasadori grek tha se ky incident do të dënohet ashpër, dhe se hetimi për këtë ngjarje do të shkojë deri në fund nga autoritetet greke.
27 March 2010 11:02
Thirrjet antishqiptare në Athinë, protesta në Tiranë: Greqia, turpi i BE
TIRANE – Filloi në ora 11:00 protesta para ambasadës greke në Tiranë. Qindra qytetarë i janë përgjigjur thirrjes së organizatave joqeveritare për tu mbledhur në protest para Ambasadës së Greqisë në Tiranë dhe për të ngritur zërin kundër thirrjeve, koreve e këngëve antishqiptare që u dëgjuan gjatë paradës së forcave speciale të ushtrisë greke në mes të Athinës.
“Greqia, TURPI i BE”, janë disa nga pankartat që mbajnë në duart protestuesit e mbledhur para ambasadës greke në Tiranë.