Përleshje në burgun e Korfuzit, shqiptari me helikopter në spital

KORFUZ – Një i burgosur shqiptar i cili vuante dënimin në një burg grek në Korfuz, u transportua me helikopter në drejtim të spitalit pasi është plagosur rëndë të shtunën.
Sipas autoriteteve greke, shqiptari ndodhet duke u kuruar në Janinë për dëmtimet që ka marrë gjatë një përleshje me të burgosurit tjerë në burgun e Korfuzit, në një incident që sipas Kathemirini, ndodhi të shtunën.
Sipas burimeve zyrtare, shqiptari pësoi plagosje të rëndë gjatë përleshjes në burg dhe për pasojë u morën masat e menjëhershme për kurimin e tij derisa gjendja shëndetësore ishte në rrezik.
Nuk ka të dhëna për masa ndëshkomore ndaj personave që plagosën shqiptarin, emri i të cilit nuk bëhet i ditur.
Në burgjet greke ndodhet një numër shtetasish shqiptarë të cilët janë arrestuar dhe dënuar në Greqi.
Shumica prej tyre kanë vërejtje pa padrejtësi në proceset gjyqësore atje, kryesisht me rastet e përkthimit të akteve gjyqësore por edhe me qëndrimin racist të gjykatave dhe autoriteteve të drejtësisë.
Shembulli tipit ishte rasti i një shqiptari të dënuar në Janinë disa vite më parë në një proces ku përkthyerja i tha gjëra krejt të tjera trupit gjykues nga ato që shqiptari kishte deklaruar në sallën e gjyqit.
Në mënyrë të vazhdueshme shqiptarët e burgosur në Greqi kanë rënë pre e incidenteve të dhunës e diskriminimit.