Qeveria dhe EULEX-i bashkëfajtor për ngecje në drejtësi

Qeveria dhe EULEX-i bashkëfajtor për ngecje në drejtësi

Profesori i drejtësisë, deputet në Kuvendin e Kosovës, Riza Smaka ka fajësuar Qeverinë edhe EULEX-in për ngecjet në sistemin e drejtësisë në Kosovës.
“Gjithsesi, Qeveria, lidhshmërisht me të edhe EULEX-i. Është fjala për një institucion ndërkombëtar që ka mision dhe legjitimitet ndërkombëtar për të asistuar në funksion të përparimit të gjyqësorit. Por, nuk ka shenja absolute. Unë nuk kam vërejtur diçka nga EULEX-i, se ndikoi, influencoi në të mirë të gjyqësorit”, ka thënë Smaka për RTK.
Smaka mendon se, Qeveria nëpërmjet punës së saj do të duhet të bënte më shumë presion te EULEX-i. “Do të duhej presion të bënte nëpërmjet punës së vet, t’i kryente punët e veta. Se sa për që e ka bërë një riorganizim, aty unë e shoh një kuazi-riorganizim. Ka pas ministra kompetent, i ka zëvendësuar me surrogate”, tha Smaka.
Sipas profesor Smakës deri tani, si nga EULEX-i ashtu edhe nga Qeveria, vetëm po konstatohet në mënyrë deklarative se ka korrupsion dhe ngecje në sistem, por, sipas tij, tani është koha e fundit që nga deklaratat të kalohet në vepra, duke e bërë secili punën e vet, si Qeveria ashtu edhe EULEX-i.