Nuk ka plane për integrimin e HTML5 në XP

Kompania Microsoft është ndeshur me kritikat e disa prej rivalëve të saj pas vendimit që të mos ofrojë shfletuesin Internet Explorer 9 e më pas edhe mbështetjes për standardin e radhës HTML5 për përdoruesit e sistemit të tij të vjetër operativ – Windows XP.
Kjo edhe është për t’u çuditur kur kihet parasysh se numri më i madh i përdoruesve ende kanë sistemin operativ Windows XP në kompjuterët e tyre, por në anën tjetër është normale që Microsoft të tentoj t’i shtyjë përdoruesit e vet të kalojnë në sistemin e ri Windows 7 sa më parë që është e mundur.

Ky zhvillim i situatës mund të sjellë deri tek fragmentimi i internetit kur merret parasysh se programuesit janë të shtyrë të përpunojnë aplikacione për shfletues të shumëfishtë. /