HP përgatit tablet me webOS?

Nëse mund t’u besohet burimeve të afërta me industrinë, kompjuteri tablet i kompanisë HP me sistemin operativ webOS na vjen gjatë verës së këtij viti.
Qëkur HP ka blerë kompaninë Palm, analizat dhe parashikimet për politikat e ardhshme të kompanisë nuk prajnë, e posaçërisht me interes janë kompjuterët tablet. Në fakt, siç ishte paralajmëruar, supozohet se HP ka vendosur që tableti i saj Slate të mbetet në pritje, e si alternativë e re do të ishte tableti me sistemin operativ webOS.

Emri kodues i këtij tableti të ri dhe ende të paqenë do të duhej të ishte Hurricane, e pos sistemit operativ Windows po ashtu do të largohej nga arkitektura e Intel për procesorët ARM. Koha e pritur kur ky tablet do të duhej të jetë i gatshëm për plasim në treg është vera e këtij viti.

Analistët besojnë se HP thjesht ka zhvendosur zgjidhjet e veta ekzistuese për kompjuterë tablet në webOS, duke marrë parasysh kohën kaq të shkurtër të zhvillimit. Udhëheqësit e HP-së ashtu-kështu kanë qenë të pakënaqur me kombinimin e harduerit të Intel dhe softuerit të Microsoft, pohojnë burimet.