Vujanovic e Ivanov arrijnë në Prevallë

Presidenti i Malit të Zi, Filip Vujanovic dhe presidenti i Maqedonisë, Gjorgi Ivanov kanë mbërritur të premten pasdite në Prevallë, ku të shtunën dhe të dielën do të zhvillohet Takimi i liderëve të rajonit.Vujanovic dhe Ivanov janë pritur në takime të veçanta nga nikoqiri i takimit, presidenti i Republikës së Kosovës, Fatmir Sejdiu, i cili u ka dëshiruar atyre mirëseardhje.
Presidenti i Republikës së Shqipërisë, Bamir Topi do t’u bashkëngjitet homologëve të tij të shtunën paradite, kur edhe fillon zyrtarisht takimi.