AKR-ja vlerëson jo të drejtë deklarimin e Limajt

Aleanca Kosova e Re ka vlerësuar se deklarimi i djeshëm i ministrit të Transportit dhe Postë-Telekomunikacionit, Fatmir Limaj, ka qenë jo i drejt dhe i papërshtatshëm në këto momente.

Zëvendës presidentja e AKR-së, Mimoza Kusari-Lila ka thënë se kjo mënyrë tregon se ose politika është duke u përzier në drejtësi, ose drejtësia po përzihet në politikë. Ajo ka thënë se Limaj është dashur të tërhiqet nga posti shumë moti e jo të dalë të japë vlerësime për vetveten.
Kjo parti gjithashtu ka shprehur shqetësimin për një numër të madh të parregullsive që auditori i ka gjetur tek disa komuna. Ndërkohë që Kusari ka thënë se do të bëjë përpjekje për të rregulluar statusin e delegatëve që e kanë shpallur Kushtetutën e Republikës së Kosovës në vitin 1990.