Kushtetuta e Shqipërisë

First topic message reminder :

Ne, Populli i Shqipërisë, krenarë dhe të vetëdijshëm për historinë tonë, me përgjegjësi për të ardhmen, me besim te Zoti dhe/ose te vlera të tjera universale, me vendosmërinë për të ndërtuar një shtet të së drejtës, demokratik e social, për të garantuar të drejtat dhe liritë themelore të njeriut, me frymën e tolerancës dhe të bashkëjetesës fetare, me zotimin për mbrojtjen e dinjitetit dhe të personalitetit njerëzor, si dhe për prosperitetin e të gjithë kombit, për paqen, mirëqenien, kulturën dhe solidaritetin shoqëror, me aspiratën shekullore të popullit shqiptar për identitetin dhe bashkimin kombëtar, me bindjen e thellë se drejtësia, paqja, harmonia dhe bashkëpunimi ndërmjet kombeve janë ndër vlerat më të larta të njerëzimit, vendosim këtë Kushtetutë

Neni 160
Gjatë vitit financiar Kuvendi mund të bëjë ndryshime në buxhet.
Ndryshimet në buxhet bëhen sipas procedurës së parashikuar për hartimin dhe miratimin e vetë buxhetit.
Shpenzimet e parashikuara me ligje të tjera nuk mund të ulen sa kohë që këto ligje janë në fuqi.

Neni 161
Banka Qendrore e shtetit është Banka e Shqipërisë. Ajo ka të drejtën
ekskluzive të nxjerrjes e të qarkullimit të monedhës shqiptare, të
zbatimit të pavarur të politikës monetare dhe të mbajtjes e të
administrimit të rezervave valutore të Republikës së Shqipërisë.
Banka e Shqipërisë drejtohet nga një këshill, i cili kryesohet nga
Guvernatori. Guvernatori zgjidhet nga Kuvendi me propozim të Presidentit
të Republikës për 7 vjet, me të drejtë rizgjedhjeje.

Pjesa e katërmbëdhjetë (Kontrrolli i lartë i Shtetit)

Neni 162
Kontrolli i Lartë i Shtetit është institucioni më i lartë i kontrollit
ekonomik e financiar. Ai u nënshtrohet vetëm Kushtetutës dhe ligjeve.
Kryetari i Kontrollit të Lartë të Shtetit zgjidhet dhe shkarkohet nga
Kuvendi me propozim të Presidentit të Republikës. Ai qëndron në detyrë
për 7 vjet, me të drejtë rizgjedhjeje.

Neni 163
Kontrolli i Lartë i Shtetit kontrollon:
veprimtarinë ekonomike të institucioneve shtetërore e të personave të tjerë juridikë shtetërorë;
përdorimin dhe mbrojtjen e fondeve shtetërore nga organet e pushtetit qendror dhe atij vendor;
veprimtarinë ekonomike të personave juridikë, në të cilët shteti ka më
shumë se gjysmën e pjesëve ose të aksioneve, ose kur huat, kreditë dhe
detyrimet e tyre garantohen nga shteti.

Neni 164
Kontrolli i Lartë i Shtetit i paraqet Kuvendit:
raport për zbatimin e buxhetit të shtetit;
mendim për raportin e Këshillit të Ministrave për shpenzimet e vitit të kaluar financiar para se të miratohet nga Kuvendi;
informacion për rezultatet e kontrolleve sa herë që kërkohet nga Kuvendi.
Kontrolli i Lartë i Shtetit i paraqet Kuvendit raportin vjetor të veprimtarisë së tij.

Neni 165
Kryetari i Kontrollit të Lartë të Shtetit mund të ftohet të marrë pjesë
dhe të flasë në mbledhjet e Këshillit të Ministrave, kur shqyrtohen
çështje që lidhen me funksionet e tij.
Kryetari i Kontrollit të Lartë të Shtetit ka imunitetin e gjyqtarit të Gjykatës së Lartë.

Pjesa e pesëmbëdhjetë (Forcat e Armatosura)

Neni 166
Shtetasit shqiptarë kanë për detyrë të marrin pjesë në mbrojtjen e Republikës së Shqipërisë, siç parashikohet në ligj.
Shtetasi që, për arsye ndërgjegjeje, nuk pranon shërbimin me armë në
forcat e armatosura, është i detyruar të kryejë një shërbim alternativ,
siç parashikohet në ligj.

Neni 167
Ushtarakët e shërbimit aktiv nuk mund të zgjidhen ose të emërohen në
detyra të tjera shtetërore dhe as të marrin pjesë në parti ose në
veprimtari politike.
Pjesëtarët e forcave të armatosura ose personat që kryejnë shërbim
alternativ, gëzojnë të gjitha të drejtat dhe liritë kushtetuese, përveç
rasteve kur ligji parashikon ndryshe.

Neni 168
Forcat e Armatosura të Republikës së Shqipërisë përbëhen nga forcat tokësore, detare dhe ajrore.
Presidenti i Republikës është Komandant i Përgjithshëm i Forcave të Armatosura.
Këshilli i Sigurimit Kombëtar është organ këshillimor i Presidentit të Republikës.

Neni 169
Presidenti i Republikës, në kohë paqeje, ushtron drejtimin e Forcave të
Armatosura nëpërmjet Kryeministrit dhe ministrit të Mbrojtjes.
Presidenti i Republikës, në kohe lufte, emëron dhe shkarkon Komandantin e Forcave të Armatosura me propozim të Kryeministrit.
Presidenti i Republikës, me propozim të Kryeministrit, emëron dhe
shkarkon Shefin e Shtabit të Përgjithshëm, si dhe, me propozim të
ministrit të Mbrojtjes, emëron dhe shkarkon komandantët e forcave
tokësore, detare dhe ajrore.
Kompetencat e Presidentit të Republikës si Komandant i Përgjithshëm i
Forcave të Armatosura dhe ato të Komandantit të Forcave të Armatosura
dhe varësia e tyre nga organet kushtetuese, caktohen me ligj.

Pjesa e gjashtëmbëdhjetë (Masat e Jashtëzakonshme)

Neni 170
Masat e jashtëzakonshme mund të vendosen për shkak të gjendjes së
luftës, gjendjes së jashtëzakonshme ose gjendjes së fatkeqësisë natyrore
dhe zgjatin për aq kohë sa vazhdojnë këto gjendje.
Parimet e veprimtarisë së organeve publike dhe shkalla e kufizimit të të
drejtave dhe lirive të njeriut gjatë gjithë periudhës së ekzistencës së
gjendjeve që kërkojnë marrjen e masave të jashtëzakonshme, përcaktohen
me ligj.
Ligji duhet të përcaktojë parimet, fushat dhe mënyrën e kompensimit të
humbjeve që vijnë si rezultat i kufizimit të të drejtave dhe lirive
gjatë marrjes së masave të jashtëzakonshme.
Aktet që ndërmerren si pasojë e marrjes së masave të jashtëzakonshme,
duhet të jenë në përpjesëtim me shkallën e rrezikut dhe duhet të synojnë
rivendosjen sa më të shpejtë të kushteve për funksionimin normal të
shtetit.
Gjatë gjendjeve që kërkojnë marrjen e masave të jashtëzakonshme, nuk
mund të ndryshohet asnjë prej këtyre akteve: Kushtetuta, ligjet për
zgjedhjet për Kuvendin dhe për organet e pushtetit vendor, si dhe ligjet
për masat e jashtëzakonshme.
Gjatë periudhës së zbatimit të masave të jashtëzakonshme nuk mund të
zhvillohen zgjedhje vendore, nuk mund të zhvillohet referendum, si dhe
nuk mund të zgjidhet një President i ri i Republikës. Zgjedhjet vendore
mund të bëhen vetëm aty ku nuk zbatohen masat e jashtëzakonshme.

Neni 171
Në rast agresioni të armatosur kundër Republikës së Shqipërisë,
Presidenti i Republikës, me kërkesë të Këshillit të Ministrave, shpall
gjendjen e luftës.
Në rast kërcënimesh të jashtme ose kur detyrimi për mbrojtje të
përbashkët buron nga një marrëveshje ndërkombëtare, Kuvendi, me propozim
të Presidentit të Republikës, shpall gjendjen e luftës, vendos gjendjen
e mobilizimit dhe të çmobilizimit të përgjithshëm ose të pjesshëm.

Neni 172
Në rastin e nenit 171 paragrafi 1, Presidenti i Republikës i paraqet
Kuvendit dekretin për vendosjen e gjendjes së luftës brenda 48 orëve nga
nënshkrimi i tij, duke specifikuar të drejtat që kufizohen.
Kuvendi merr në shqyrtim menjëherë dhe vendos me shumicën e të gjithë anëtarëve për dekretin e Presidentit.

Neni 173
Në rast rreziku për rendin kushtetues dhe për sigurinë publike, Kuvendi,
me kërkesë të Këshillit të Ministrave, mund të vendosë në një pjesë ose
në të gjithë territorin e shtetit gjendjen e jashtëzakonshme, e cila
zgjat për aq kohë sa vazhdon rreziku, por jo më shumë se 60 ditë.
Me vendosjen e gjendjes së jashtëzakonshme ndërhyrja e forcave të
armatosura bëhet me vendim të Kuvendit dhe vetëm kur forcat e policisë
nuk janë në gjendje të rivendosin rendin.
Zgjatja e afatit të gjendjes së jashtëzakonshme mund të bëhet vetëm me
pëlqim të Kuvendit çdo 30 ditë, për një periudhë jo më shumë se 90 ditë.

Neni 174
Për parandalimin ose mënjanimin e pasojave të një fatkeqësie natyrore
ose aksidenti teknologjik, Këshilli i Ministrave mund të vendosë, për
një periudhë jo më të gjatë se 30 ditë, gjendjen e fatkeqësisë natyrore
në një pjesë ose në të gjithë territorin e shtetit.
Zgjatja e gjendjes së fatkeqësisë natyrore mund të bëhet vetëm me pëlqimin e Kuvendit.

Neni 175
Gjatë gjendjes së luftës ose gjendjes së jashtëzakonshme nuk mund të
kufizohen të drejtat dhe liritë e parashikuara nga nenet: 15, 18, 19,
20, 21, 24, 25, 29, 30, 31, 32, 34, 39 paragrafi 1, 41 paragrafët 1, 2, 3
dhe 5, 42, 43, 48, 54, 55.
Gjatë gjendjes së fatkeqësisë natyrore mund të kufizohen të drejtat dhe
liritë e parashikuara nga nenet: 37, 38, 41 paragrafi 4, 49, 51.
Aktet për shpalljen e gjendjes së luftës, gjendjes së jashtëzakonshme
ose të gjendjes së fatkeqësisë natyrore duhet të cilësojnë të drejtat
dhe liritë që kufizohen sipas paragrafëve 1 dhe 2 të këtij neni.

Neni 176
Kur Kuvendi nuk mund të mblidhet gjatë gjendjes së luftës, Presidenti i
Republikës, me propozim të Këshillit të Ministrave, ka të drejtë të
nxjerrë akte që kanë fuqinë e ligjit, të cilat duhet të miratohen nga
Kuvendi në mbledhjen e tij më të parë.

Pjesa e shtatëmbëdhjetë (Rishikimi i Kushtetutës)

Neni 177
Nisma për rishikimin e Kushtetutës mund të ndërmerret nga jo më pak se një e pesta e anëtarëve të Kuvendit.
Asnjë rishikim i Kushtetutës nuk mund të ndërmerret gjatë kohës kur janë vendosur masat e jashtëzakonshme.
Projekti miratohet nga jo më pak se dy të tretat e të gjithë anëtarëve të Kuvendit.
Kuvendi mund të vendosë, me dy të tretat e të gjithë anëtarëve të tij,
që projektamendamentet kushtetuese të votohen me referendum.
Projektligji për rishikimin e Kushtetutës hyn në fuqi pas ratifikimit me
referendum, i cili bëhet jo më vonë se 60 ditë nga miratimi i tij në
Kuvend.
Amendamenti kushtetues i miratuar i nënshtrohet referendumit, kur këtë e kërkon një e pesta e të gjithë anëtarëve të Kuvendit.
Presidenti i Republikës nuk ka të drejtë ta kthejë për rishqyrtim ligjin e miratuar nga Kuvendi për rishikimin e Kushtetutës.
Ligji i miratuar në referendum shpallet nga Presidenti i Republikës dhe hyn në fuqi në datën e parashikuar në këtë ligj.
Rishikimi i Kushtetutës për të njëjtën çështje nuk mund të bëhet përpara
se të ketë kaluar një vit nga dita e rrëzimit të projektligjit në
Kuvend dhe jo më përpara se të kenë kaluar 3 vjet nga dita e rrëzimit të
tij në referendum.

Pjesa e tetëmbëdhjetë (Dispozita Kalimtare dhe të fundit)

Neni 178
Ligjet dhe aktet e tjera normative të miratuara para datës së hyrjes në
fuqi të kësaj Kushtetute do të zbatohen derisa nuk janë shfuqizuar.
Këshilli i Ministrave i paraqet Kuvendit projektligjet e nevojshme për vënien në zbatim të kësaj Kushtetute.

Neni 179
Mandati i organeve kushtetuese që do të ekzistojnë me hyrjen në fuqi të
kësaj Kushtetute mbaron me afatet e parashikuara në ligjin nr.7491, datë
29.4.1991 "Për dispozitat kryesore kushtetuese", me ndryshimet dhe
plotësimet përkatëse.
Anëtarët e Gjykatës së Kasacionit vazhdojnë veprimtarinë e tyre si anëtarë të Gjykatës së Lartë, sipas mandatit të mëparshëm.
Anëtarët e Këshillit të Lartë të Drejtësisë të zgjedhur nga radhët e
prokurorëve zëvendësohen me anëtarë të rinj të zgjedhur nga mbledhja e
përgjithshme e gjyqtarëve.
Organet e pushtetit vendor vazhdojnë veprimtarinë deri në mbarim të mandatit të tyre.

Neni 180
Marrëveshjet ndërkombëtare të ratifikuara nga Republika e Shqipërisë
para hyrjes në fuqi të kësaj Kushtetute konsiderohen të ratifikuara
sipas kësaj Kushtetute.
Këshilli i Ministrave i paraqet Gjykatës Kushtetuese marrëveshjet
ndërkombëtare, të cilat përmbajnë dispozita që vijnë në kundërshtim me
këtë Kushtetutë.

Neni 181
Kuvendi, brenda dy deri tre vjetëve nga hyrja në fuqi e kësaj
Kushtetute, nxjerr ligje për rregullimin e drejtë të çështjeve të
ndryshme që lidhen me shpronësimet dhe konfiskimet e kryera para
miratimit të kësaj Kushtetute, duke u udhëhequr nga kriteret e nenit 41.
Ligjet dhe aktet e tjera normative të miratuara para datës së hyrjes në
fuqi të kësaj Kushtetute dhe që kanë të bëjnë me shpronësimet dhe
konfiskimet, do të zbatohen kur nuk vijnë në kundërshtim me të.

Neni 182
Ligji nr.7491, datë 29.4.1991 “Për dispozitat kryesore kushtetuese”, si
dhe ligjet e tjera kushtetuese shfuqizohen ditën e hyrjes në fuqi të
kësaj Kushtetute.

Neni 183
Kjo Kushtetutë hyn në fuqi me shpalljen nga Presidenti i Republikës.

Neni 1

1. Shqipëria është republikë kryeministrore me parlament.



2. Republika Kryeministrore e Shqipërisë është pushteti im unik, i pandashëm dhe i patatueshëm.



3. Qeverisja Ime bazohet në një sistem përzgjedhjesh të lira, të barabarta, të përgjithshme e periodike.
Neni 2

1. Sovraniteti në Republikën Time i përket Kryeministrit.



2. Unë e ushtroj sovranitetin nëpërmjet përfaqësuesve të mij besnikë ose drejtpërsëdrejti me sms.



3. Për ruajtjen e rehatit dhe të interesave të mija familjare,
Republika ime mund të marrë pjesë në një sistem sigurimi kolektiv, në
bazë të një ligji të miratuar me shumicën e të gjithë anëtarëve të
djathtë të Kuvendit.
Neni 3

Pavarësia e shtetit tim dhe tërësia e territorit tim, dinjiteti i
njerzve të mi, të drejtave të tyre dhe liritë e tyre, janë baza e këtij
shteti, i cili ka për detyrë t'i respektojë, t'i mbrojë, ti shesë, ti
këmbejë sipas kursit zyrtar të këmbimeve.
Neni 4

1. E drejta ime përbën bazën dhe kufijtë e veprimtarisë së shqiptarëve.



2. Unë jam ligji më i lartë në Republikën e Shqipërisë.



3. Dispozitat e mia zbatohen drejtpërsëdrejti, përveç rasteve kur kanë të bëjnë direkt me mua.
Neni 5

Republika ime zbaton të drejtën ndërkombëtare të detyrueshme kur na jepet rasti.
Neni 6

Organizimi dhe funksionimi i organeve të parashikuara në Kushtetutën
time rregullohen mes njohjeve të njeri-tjetrit me ligjet e tyre
krahinore, përveç rasteve kur Kryeministri e parashikon ndryshe.



Neni 7

Sistemi i qeverisjes time bazohet në unifikimin e pandashëm ndërmjet pushteteve ligjvënës, ekzekutiv dhe gjyqësor.
Neni 8

1. Republika ime nuk ka kohë të mbrojë të drejtat kombëtare të popullit shqiptar që jeton jashtë kufijve të saj.



2. Republika ime mund të mbrojë të drejtat dhe të zhdrejtat e
shtetasve shqiptarë me banim të përhershëm brenda kufijve të vet, me
kusht që të mos bien ndesh me interesat e mia dhe nëse nuk kërkojnë
hapje kutish duke përfshirë edhe objektet në formë kutie.



3. Republika ime u siguron ndihmë shtetasve të huaj boshnjak dhe
serbë, që jetojnë e punojnë per mua për të ruajtur e për të zhvilluar
trashëgiminë e familjes time.
Neni 9

1. Partitë politike krijohen lirisht dhe organizimi i tyre duhet të përputhet me parimet e Partise Demokratike.



2. Partitë politike dhe organizatat e tjera, programet dhe veprimtaria e të cilave mbështeten në metoda socialiste, që

nxitin e përkrahin urrejtjen ndaj qeverise time, që përdorin bojkotin
apo protestat për marrjen e pushtetit tim ose për të ndikuar në
politikën time, janë të ndaluara sipas ligjit tim.



3. Burimet financiare të partive, si dhe shpenzimet e tyre bëhen kurdoherë publike.
Neni 10

1. Në Republikën time momentalisht nuk ka fe zyrtare.



2. Shteti im është asnjanës në çështjet e besimit e të ndërgjegjes
dhe garanton lirinë e shprehjes së tyre në jetën publike për aq kohë sa
nuk bien ndesh me interesat e mia apo të votuesve të mi.



3. Shteti njeh barazinë e bashkësive fetare që nuk cënon koalicionin e mazhorancës.



4. Bashkësitë fetare respektojnë në mënyrë të ndërsjelltë pavarësinë e
njëri-tjetrit dhe bashkëpunojnë në të mirë të secilit dhe sidomos në
timen.



5. Marrëdhëniet ndërmjet shtetit tim dhe bashkësive fetare
rregullohen mbi bazën e marrëveshjeve të lidhura ndërmjet përfaqësuesve
të besuar të tyre dhe Këshillit të Ministrave.org Këto marrëveshje nuk
është e nevojshme të ratifikohen në Kuvend.
6. Bashkësitë fetare kanë pavarësi në administrimin e pasurive të
tyre sipas parimit “Cfarë është e jotja është edhe e imja, por cfarë
është e imja është vetëm e imja”.



Neni 11

1. Sistemi im ekonomik bazohet në pronën time private dhe cdo pronë publike mund të bëhet private.



2. Prona ime private mbrohet me ligj.

3. Kufizime të lirisë së veprimtarisë ekonomike mund të vendosen
vetëm me ligj në rastet kur këto i shërbejnë opozitës dhe aleatëve të
tyre.



Neni 12

1. Forcat e mia militante sigurojnë pavarësinë e pronave, si dhe mbrojnë tërësinë e tyre territoriale.
2. Forcat e mia militante ruajnë asnjanësinë në çështjet politike të
Ballkanit dhe i nënshtrohen kontrollit mediko-legal 1 herë në 4 vjet.



3. Asnjë forcë e huaj ushtarake nuk mund të vendoset dhe as të kalojë
në territorin shqiptar, si dhe asnjë forcë ushtarake shqiptare nuk mund
të dërgohet jashtë, përveçse rasteve kur këtë e kërkojnë amerikanët ose
kur vendin tim e viziton presidenti amerikan.



Neni 13

Qeverisja vendore në Republikën time ngrihet në bazë të parimit të
centralizmit të pushtetit dhe lejohet të ushtrohet sipas parimit të
autonomisë vendore “ca të nënës ca të njerkës”.
Neni 14

1. Gjuhët zyrtare në Republikën time janë salinglishtja, italbanishtja, frëngsalishtja.



2. Flamuri kombëtar është blu me germat PD në mes.



3. Stema e Republikës time paraqet një dorë me dy gishta si shqiponjë dykrenore në mes.

Në krye të dorës, me ngjyrë të artë, është vendosur fotografia e Sali Berishës.



4. Himni kombëtar është "Shqiperia po ndryshon".



5. Festa Kombëtare e Republikës time është 8 Dhjetori.
6. Kryeqytetet e Republikës time janë: në vitet cift Kavaja, ndërsa në vitet Skrapari.



7. Forma dhe përmasat e simboleve kombëtare, përmbajtja e tekstit të himnit kombëtar, si dhe përdorimin e tyre i rregulloj vetë. Cdo shtetas që kundërshton apo nuk njeh këtë kushtetutë, do të kapet prej zhelesh dhe do të nxirret para drejtësisë.