Nertila Vreto: Folku shqiptar është i pashtershëm

nga **WebMaster** Fri 1 Jul 2011 - 6:12

Këngëtarja e njohur e muzikës popullore të jugut Nertila Vreto, egjithëse fare e re në moshë Nertila ka realizuar shume albume të cilët janë lançuar në tregun muzikor. Në bashkëpunim me figura të njohura të muzikës si: Edmond Zhulali, Arben Duka, Genti Lako, Alban Furtuna, Sokol Marsi etj. Ajo tregon se përpiqet të alternojë në harmoni shkollën dhe muzikën të cilat në jetën e saj tashmë plotësojnë njëra-tjetrën. Idhulli i saj i muzikës popullore është këngëtarja e njohur e serenatave korçare Eli Fara.Ajo dëshiron që të jetë autentike dhe vetvetja në tregun muzikor. Nertila Vreto shpreh lidhur me këngëtarët të cilët përpunojnë muzikën e huaj se folku ynë është mjaft I pasur dhe është e rendësishme që t’a shfrytëzojmë atë.Ç’është publiku për ju?
Publiku për mua është gjithçka. Unë këndojë për publikun dhe nëse zhgënjehem prej tij atëherë do të jetë fundi për mua. Më pëlqen kur më admirojnë, adhurojnë dhe kur i pëlqejnë këngët e mia.
-Të pëlqejnë më shumë komplimentet apo edhe kritikat?
Më pëlqejnë më shumë vërejtjet sepse e di që vërejtjet më vlejnë. Nga vërejtjet unë kuptoj se ku e kam gabimin. Normalisht që më pëlqejnë edhe komplimentet por kur janë reale dhe jo fallco.
-Cili ka qenë konplimenti më i bukur që ju kanë bërë?
Komplimenti më i bukur ka qenë krahasimi me Eli Farën.

-Sa qendësi i kushtoni lukut tuaj?
Një këngëtari nuk i mjafton vetëm vokali apo muzika e bukur. Për të qenë sa më i pëlqyer duhet të jesh i kompletuar nga të gjitha, luku, grimi etj. Fotot në album janë bërë nga studio “Marex”, grimi është bërë nga “Artemis”.
-Si është Nertila Vreto në jetën e përditshme?
Unë jam shumë e thjeshtë në jetën e përditshme madje edhe më e thjeshtë se duhet. Ka ndodhur që duke më parë nga ekrani më kanë cilësuar si mëndjemadhe por kur kanë arritur të më njohin nga afër kanë ndryshuar mendim. Jam një tip i qetë edhe i dashur. Dua që të kem një shoqëri të pastër. Jam një njeri pa komplekse. Nuk më pëlqejnë thashethemet.
-Keni dëgjuar apo keni pasur ndonjë thashethem për veten tuaj?
Deri tani jo. Por nuk i dihet ndoshta do dali më vonë diçka por sidoqë të jetë mua nuk do më interesojë.
-Cila është më e bukur për Nertilën dita apo nata dhe pse?
Për mua më e bukur është dita sepse nata më frikëson deri diku. Ndoshta tek frika ime për natën ndikon edhe fakti sepse unë jetoi vetëm dhe jam larg familjes sime. Pastaj edhe nata edhe dita kanë bukuritë e veta.
-Të pëlqen pavarësia dhe të jetoni vetëm?
Më pëlqen pavarësia sepse më ndihmon që të mësoj të përballem me jetën. Por familja për mua është gjithçka dhe më merr malli shumë për ta. Kur kam kohë të lirë shkoj gjithmonë dhe i vizitoi.
-Kënga “Valle rrajcës” është një këngë e pëlqyer. Më fol pak për të ?

Është një këngë e Arben Dukës me orkestrim të Genti Lakos. Është një këngë e cila në zonën time është shumë e pëlqyer. Kjo ka qenë vetëm valle por unë mendova që t’a bëja këngë.
-Si mendoni për këngëtarët shqiptarë të cilët përpunojnë ose vjedhin këngë të huaja ndërsa ju keni bërë një zgjedhje tjetër?
Çdo këngëtar ka mendimin e vet. Ndoshta mendojnë se duke sjellë një këngë e cila është hit në vendin e vet do bëhet hit edhe këtu. Unë mendoj se kjo gjë ka dalë jashtë mode. Ne kemi folkun tonë dhe folku jonë është shumë i pasur pse të mos e shfrytëzojmë atë.

Shumë këngëtarë të këngës popullore kanë në albumet e tyre një apo dy balada. Si shpjegohet, janë më të pëlqyera baladat tani?
Jo të gjithë njerëzit pëlqejnë ahengun dhe të kërcejë por kërkon edhe një melankoli. Ka shumë këngëtarë që e gjejnë veten tek baladat.
-E interpretoni muzikën e lehtë?
Po. E interpretoj dhe më pëlqen shumë.
-E ndien konkurencën Nertila Vreto dhe si përballet me të?
Çdo këngëtarë ka adhuruesit e vet. Unë nuk mund të marr adhuruesit e një këngëtari tjetër. Publiku pëlqen këngët e mia sepse i ka bërë Nertila. Unë kam këngët e mia që nuk mund t’i bëj një tjetër.
-Ke patur ndonjëherë një këngëtarë idhull?
Padyshim. Për mua idhulli ka qenë është dhe do të jetë Eli Fara.
-Çfarë vlerëson dhe urren më shumë tek një njeri?
Tek njerëzit pëlqej respektin, të qënit i thjeshtë dhe njeri mbi të gjitha pa dalë nga natyra e vet. Urrej hipokrizinë dhe njerëzit që merren me thashetheme.

Keni realizuar një duet me bilbilin e muzikës së jugut Petrit Lulo?

Bashkëpunimi me Petritin ka qenë rastësi. Ai po realizonte albumin e vet dhe mendoi që duhet të bënte një duet në këtë album dhe unë e zëri im ishim të përshtatshëm.

nga **Anakonda** Thu 15 Mar 2012 - 19:30

Po me ket bukuri e me ket ze qe ke ti,normalisht qe po...........

Nertila Vreto: Folku shqiptar është i pashtershëm

Nertila Vreto: Folku shqiptar është i pashtershëm

Re: Nertila Vreto: Folku shqiptar është i pashtershëm