Amy vdiq e vetme - në shtëpi nuk është gjetur drogë

Zëdhënësi i Amy Winehouse, Chris Goodman, ka treguar se këngëtarja britanike kishte vdekur e vetme në krevat, ndërsa atë e ka gjetur truproja.
“Përveç truprojës që ka qenë i angazhuar që të kujdeset për të, Amy ka qenë vetëm në shtëpi në momentin e vdekjes”, ka thënë Goodman për tabloidin The Sun.

Hitbërësja e këngës “Valerie” i kishte thënë truprojës se po shkonte të flinte, ndërsa kur ai pas disa orësh kishte shkuar ta zgjojë atë, ajo nuk kishte marrë frymë.

Ndërkohë, sipas të dhënave të reja të policisë Amy kishte vdekur disa orë para se të thirrej ndihma e shpejtë.

Për shkak të problemeve të saja me drogën, fillimisht u tha se vdekja e këngëtares ishte pasojë e një “kokteji substancash narkotike”, por tash nuk qëndrojnë këto spekulime, pasi që në shtëpinë e saj nuk është gjetur drogë. (Telegrafi)

nuk e dim;ajo shkoi qe shkoi tashi mos u merrni me te njejtin muhabet