Është mirë të mendosh, por jo tepër!

Tingëllon sikur të ishte barsoletë, por kemi të bëjmë me rezultatet e një studimi të ri

Njerëzit që mendojnë më shumë me rastin e marrjes së vendimeve, kanë më shumë qeliza në pjesën e përparme të trurit, respektivisht në lobet frontale. Shkencëtarët britanikë, studimin e të cilëve e ka botuar revista "Science", kanë konstatuar se të menduarit me rastin e marrjes së vendimeve ndikon në madhësinë e trurit.

Por, studimi po ashtu ka treguar se të menduarit e tepërt gjatë jetës shkakton depresion. Një grup shkencëtarësh nga Kolegji universitar në Londër (UCL), ka kërkuar nga 32 vullnetarë që të tregojnë se cilat nga dy foto shumë të ngjashme, ishte më optimiste.

Më pas, në një shkallëzim prej 1 deri në 6, pjesëmarrësit në studim duhej që të përgjigjeshin se sa të sigurt ishin në përgjigjen e dhënë. Pjesëmarrësit që ishin më të sigurt në përgjigjen e tyre, kishin më shumë qeliza trunore në lobet frontale të trurit.

Kërkuesit shkencorë deri tani kanë studiuar mënyrën sesi kjo pjesë e trurit funksionon derisa njerëzit marrin vendime të rëndësishme në kohë reale, por nuk kanë studiuar dallimet midis njerëzve. Ky studim është i pari që ka treguar se ekzistojnë dallime në madhësinë e kësaj pjese të trurit, varësisht nga ajo se sa mendojnë njerëzit rreth vendimeve që i marrin.

Shkencëtarët besojnë se, në bazë të këtij zbulimi të tyre, do të jenë në gjendje që t’u ndihmojnë personave me të meta mendore. Shkencëtarët megjithatë tërheqin vërejtjen se të menduarit e tepërt çon në depresion

Cti bej se un mendoj per pune shkolle,ndersa shoqet e mia per pune dashurie.