400 faqe padi kundër Google

Sipas shkrimit të Financial Times, komisioni Evropian po e përgatit raportin në më shumë se 400 faqe në lidhje me hetimin e bërë rreth Google për shkak të pohimeve për keqpërdorimit të pozitës dominonte në treg.

Financial Times, i cili citon burimet e paemërtuar të cilën e njohin rastin, thekson se raporti preliminar i komisionit Evropian ka më shumë se 400 faqe ashtu që të mund të mbuloj në tërësi kompleksitetin e rastit dhe akuzimet e shumta. Tërë raporti, i quajtur Statement of Objections, do të duhej publikuar në fillim të vitit të ardhshëm dhe të mbuloj detajet e gjoja keqpërdorimeve të pozitës dominuese të Google në treg.

Në të vërtetë, komisioni Evropian ka nisur hetimin kundër Google pas padive se po e keqpërdor pozitën e vet në tregun e kërkimit në internet. Kompani të shumta kanë akuzuar Google se manipulon rezultatet e kërkimit duke vendosur shërbimet e veta në krye të rezultateve të kërkimit, derisa nga ana tjetër shtyn konkurrentët në pozitat më të ulëta. Gjithashtu ceken edhe manipulimet me faktorin “Quality Score” i cili përcakton se sa duhet të paguaj cila kompani për pozitën më të lartë në rezultatet e kërkimeve. Kompanitë ankohen se Google po ua ndalon përdorimin atyre përdorimin e reklamave të njëjta në rrjetin e Google dhe në faqet e veta dhe ato konkurrente siç janë Bing dhe Yahoo.

Google për momentin nuk kanë komentuar këto pohime, e sipas shkrimit të Financial Times do të ketë dy muaj që të përgjigjet në paditë e shpalosura në raportin e komisionit Evropian. /Telegrafi/