Stresi: Për herë të parë seks, në klasën e gjashtë

Vitet e gjimnazit i ka kaluar në Belgjikë dhe siç thotë vetë, ka shumë kujtime të bukura nga ajo kohë. Arkimed Lushaj, ose Stresi siç tashmë të gjithë e njohim, rrëfen për faqet e suplementit, jetën e tij prej gjimnazisti arrakat. Nga zënkat me prindërit tek ‘sherret’ në shkollë, për të cilat tregon se ka qenë pjesë edhe e një bande.Nga vërejtjet e mësuesve, tek puthjet e të dashurave, marrëdhënia e parë seksuale në klasën e gjashtë dhe shumë detaje të pazbuluara më parë nga jeta e njërit prej reperëve më të përfolur në Shqipëri…Flet Stresi, djali që me përgjigjet e tij ngre gjithmonë polemika.
Do flasim pak për periudhën e gjimnazit, si ka qenë kjo kohë për ju?
Kur kujtoj gjimnazin, mundohem ta gjej veten akoma aty. Ka qenë një kohë që s’do ta harroj lehtë, ka qenë periudha më e mirë e rinisë time.
Ku e keni ndjekur gjimnazin?
Gjimnazin e kam ndjekur në Belgjikë.
Si ka qenë shkolla në Belgjikë, e vështirë?
Jo dhe aq, të paktën për mua ka qenë zbavitëse.
Në këtë periudhë keni filluar të merreni me këngën?
Po, pikërisht në gjimnaz kam filluar të këndoj këngët e para të mia.
Ku i këndonit këngët?
Këngët e para i kam kënduar në një studio shumë të njohur në Belgjikë. Aty ia nisa repit dhe po e përfundoj në Shqipëri. Ishit i famshëm në shkollë?
Kam qenë i famshëm si ai djali problematik në shkollë (qesh).
Keni mësuar shumë?
Të them të drejtën, asnjëherë s’kam mësuar.
Cila ka qenë lënda që ‘urrenit’ më shumë?
Lënda që urreja më shumë, matematika.
Po më e preferuara?
Informatika.
A kanë qenë prindërit kërkues ndaj jush?
Normalisht që po, madje shumë, por ishte e kotë (qesh).
Ziheshit me prindërit, dilnit natën?
Emri Stresi ka lindur nga mamaja ime, sepse ikja nga shtëpia me javë, me djem më të rritur se unë dhe për nënën time ka qenë një stres i paparë.
Keni rënë pre e alkoolit, duhanit ose drogave në këtë moshë?
Kam rënë pre e alkoolit dhe drogës, asaj të quajtur marijuanë.
Ju kanë tërhequr vëmendjen ndonjëherë mësuesit në shkollë?
Dhe e vini në dyshim? Gjithmonë.
Për çfarë ju tërhiqnin vëmendjen zakonisht?
Në shumicën e rasteve për lojërat që gjithmonë i bëja në mes të mësimit. Kam qenë një aventurier ekstrem në shkollë, i tepruar.
Ju kanë përjashtuar ndonjëherë nga shkolla?
Po.
Mund të na e tregoni pse?
Më kanë përjashtuar për arsye se një ditë në mes të mësimit hyra nëpër klasa me një thikë në dorë, i veshur me maskën screem dhe tmerrova gjithë shkollën.
Çfarë notash merrnit zakonisht?
Nga më të këqijat, më pak se mesataren.
Po katër keni marrë ndonjëherë?
Normalisht që po.
Keni kopjuar ndonjëherë?
Të them të drejtën s’kam pasur arsye, pasi ia jepja detyrat e mia dikujt tjetër në shtëpi, kështu që qe njësoj për mua (qesh).
I keni lënë orët e mësimit?
Orët e mësimit kanë qenë në modë për t’i lënë, për të dalë për kafe; ka qenë mosha e shpërthimit dhe normalisht që i kam lënë si çdo nxënës.
Na tregoni pak për vajzat…Ju gjuanin apo i gjuanit?
Vajzat i kam gjuajtur gjithmonë, kërkoj të pamundurën vetë.
Kur e keni dhënë puthjen e parë?
Puthjen e parë e kam dhënë që në klasë të dytë, por puthjen që e kam ndjerë vërtet e kam dhënë në klasë të gjashtë në mos gaboj.
Po marrëdhënie seksuale kur keni kryer për herë të parë?
Në klasë të gjashtë, s’ka qenë e vështirë, përkundrazi (qesh).
Keni marrë masa mbrojtëse?
S’i preferoja asnjëherë masat mbrojtëse, nuk shijohet siç duhet.
Jeni zënë me shokët për ndonjë femër?
S’më ka ndodhur ndonjëherë.
Po gocat janë zënë ndonjëherë për ju?
Asnjëherë. Keni qenë pjesë e sherreve në shkollë?
Kam qenë sigurisht, madje që i vogël kemi qenë banda e shkollës.
Jeni vrarë ndonjëherë keq në vitet e gjimnazit?
Po, ishte aksident me makinë, por fatmirësisht shpëtova.
Si e kujtoni maturën?
Matura për mua s’është se ka qenë një natë speciale, siç shumica e quajnë, por më ka lënë kujtime të mrekullueshme.
Më pas ju vazhduat shkollën për…
Për informatikë.
Eraldo Rexho Gazeta Shqiptare

E ky esht kokrra e budallait,e din per krenari nje gje te tille.E ne kenget e kujt degjojm.S;them kot un se mbreti i vertete eshte ky.
http://tosi.bleublog.lematin.ch/media/01/02/460071123.2.jpg