Bora nuk ka të ndalur, rëndohet gjendja në Pejë

Të reshurat e pandërprera të borës në komunën e Pejës jo vetëm që e kanë vështirësuar shumë qarkullimin, por shumë fshatra të kësaj komune i ka bllokuar, si dhe shumë kulme të shtëpive dhe të objekteve tjera janë rrënuar. Anëtarët e Shtabit Emergjent të komunës thonë së po bëhen përpjekje të pandërprera që të lirohet qarkullimi dhe t’u dalin në ndihmë qytetarëve si në furnizim me ushqime, barna dhe transport për të sëmurët deri në spital.

Drejtori komunal për Emergjencë, Avdyl Lajqi thotë se edhe përkundër përpjekjeve të pandërprera të kompanive të pastrimit, të reshurat e pandërprera të borës e kanë vështirësuar edhe më shumë qarkullimin.

“Ne me të gjitha kapacitetet tona jemi duke bërë përpjekje që të bëjmë pastrimin e rrugëve dhe të lirohet qarkullimi për qytetarët, në këtë rast u bëj thirrje të gjithë qytetarëve që të bashkohen në këtë aksion të komunës dhe të ndihmojnë në kapërcimin e kësaj situate”.
Ai më tej tha se qarkullimi në rrugët kryesore është i kalueshëm, me përjashtim të fshatrave të Rugovës, ku drejtoria e Emergjencës ka marrë vendim që të ndalohet qarkullimi në atë pjesë nga rreziku i rënies së pandërprerë të orteqeve të borës.

Sipas tij, pos grykës së Rugovës në komunën e Pejës nuk ka zona të rrezikuara nga rënia e orteqeve.

“Në bazë të statistikave që i kemi nga e kaluara nuk ka fshatra në komunën e Pejës që rrezikohen nga orteqet , përveç Grykës së Rugovës”, theksoi Lajqi.
Edhe zyrtari në Drejtorinë për Punë Komunale dhe Shërbime Teknike, Skënder Avdyli thotë se janë duke punuar me të gjitha kapacitetet për hapjen e rrugëve, ndërsa paralajmëron se rrezik më i madh tani është shembja e kulmeve të shtëpive dhe këtu duhet të angazhohen edhe qytetarët.

Ai tha se gjendja më e rëndë paraqitet në grykën e Rugovës, pasi që orteqet e borës po bien vazhdimisht, por fatmirësisht deri tani nuk ka pasur ndonjë dëm.

Po ne katundin tend ka rene debore Emona?

Leo_uk shkruajti:Po ne katundin tend ka rene debore Emona?

Ka ra Leo,por nuk jemi ne kete gjendje si jan Rrafshi i Dukagjinit.,Gjakova vendet andje,ka shum debore ,ede gjove edhe per fatkeqsin andej ke rrashi Dragashit n'Restelicë

po e degjova... shume keq gjendja.

C'te bejm ne dor te Zotit jemi ...

Shpresoj qe te qetesohet gjendja disi.