Grabiten ndriçuesit anësorë e trafik ndarësit, rrezik aksidentesh në Durrës-Kukës

Kukes – Për të disatën herë sinjalistika rrugore e autostradës Durrës – Kukës – Morinë është dëmtuar. Ndriçimi dhe aksesorët orientues të rrugës janë jashtë funksionit.
Ndricuesit fosforishentë dhe mbajtëset anësore metalike si dhe trafikndarëset janë vjedhur dhe dëmtuar në masë të madhe e në një pjesë të mirë të gjatësisë së aksit.
Mungesa e sinjalistikës sidomos gjatë orëve të natës është kthyer në burim aksidentesh, theksojnë burimet e policisë.
Si pasojë e prishjes së pjesëve kufizuese metalike, mësohet se rruga është bërë burim aksidentesh pasi në mungesë të kufizimeve mes karexhatave, në rrugë kalojnë edhe bagëtitë dhe këmbësorët.
Shpejtësia e lejuar në këtë rrugë është 120 kilometër në orë.

E tmerrshme edhe kete kishim manget;e cben varfgeria ne vendin tone detyrohen njerezit qe te vjedhin edhe dritat anes rruges se autostrades.