Larja me pastë, i mbron dhëmbët 400% nga prishja e tyre

nga Aяtємιѕα Tue 27 Mar 2012 - 5:23

Keni harruar furçën e dhëmbëve? Ky nuk duhet të jetë një justifikim për të mos i larë ata pas ngrënies. Pasi mjafton t’i masazhoni vetëm me pastë, për të siguruar mbrojtje të tyre nga prishja me një nivel mbi 400%.

Një fakt të tillë e ka konkluduar një hulumtim suedez, nga Universiteti i Goteborgut.

“Larja e dhëmbëve me pastë, duke përdorur gishtin si masazhues, mund të jetë një metodë po aq efektive sa larja e tyre me një furçë dhëmbësh dhe një pastë të zakonshme”, tha Anna Nordstrom, studiuese e këtij universiteti.

Gjithsesi, sipas saj, kjo metodë nuk duhet të zëvendësojë furçën tradicionale, ose përdorimin e furçës me pastë dhëmbësh në mëngjes dhe në mbrëmje.

Një seri studimesh mbi efektivitetin e përdorimit të pastës së dhëmbëve dhe higjienën orale, e iniciuar nga hulumtuesit suedezë të lartpërmendur, zbuloi se ata që ka përdorur pastë dhëmbësh e kanë zgjeruar mbrojtjen e dhëmbëve të tyre në një nivel të katër-fishtë. Kjo në krahasim me ata që nuk e përdorin atë.

Një rezultat i ngjashëm u arrit, gjithashtu duke përdorur edhe metodën e masazhit me një pastë dhëmbësh standarde, pasi kjo ju mundëson për të mbajtur fluorin në pllakën dentare.

e.t/NOA