I këndon vargje seksi një vajze, pezullohet nga shkolla 6 vjeçari

Denver, 6 maj 2012, NOA- Një djalë 6 vjeçar u pezullua nga shkolla në Denver për tre ditë pasi një zyrtar i shkollës tha se ai i këndoi një vajze pjesë nga refreni i një kënge të njohur "I'm sexy and I know it” (Jam seksi dhe e di).

D'Avonte Meadows, në klasën e parë në Sable Elementary School në Aurora, është akuzuar për ngacmim seksual dhe ndikim negativ te nxënësit e tjerë siç thuhet në letrën që iu dërgua nënës së tij ditën e mërkurë ndërsa shtohej se rasti do diskutohet në bordin e shkollës, pavarësisht moshës së tij.

Sakaq siç raporton noa.al, policia deklaroi se nuk përfshihet në këtë rast sepse policia ndërhyn vetëm për fëmijët mbi moshën 10 vjeçare.

Nëna e djalit Stephanie, shpjegoi se djali nuk e ka idenë se çfarë është ngacmimi seksual dhe se ai e këndon vazhdimisht këngën “I’m sexy and I Know It."

“Jam e shokuar ata po e shikojnë djalin si një pervers, por ai është thjesht fëmijë dhe e këndon atë këngë ashtu si mund të këndonte çdo këngë tjetër”, shton nëna e djalit.

Sakaq zyrtarë të shkollës sqarojnë se pezullimi i tij u bë në përputhje me rregullat që ekzistojmë në shkollë dhe për tolerancë zero ndaj sjelljeve të tilla.

Sipas juristëve thuhet se ndërprerja e shkollës për vogëlushin është kundër ligjit dhe se ndaj tij duhet të ishte vepruar me forma të tjera disiplinore.

a.y/noa.al

aahahaaahah cdo benka ky kur te rritet edhe pak