Rama: Shqipëria nuk po qeveriset, krimi më keq se në '97-ën"

Shqipëria nuk qeveriset, krimi bën ç’të dojë, teksa qeveria merret me grabitjen e vendit e kryeministri të vetmen punë ka të shajë e shpifë për opozitën.

Këto janë deklaratat e kryetarit të Partisë Socialiste, Edi Rama, i cili ka reaguar në lidhje me ngjarjen e rëndë të ndodhur në Fushën e Aviacionit mbrëmjen e djeshme, ku mbeti e vrarë gjatë grabitjes në rrugë 37-vjeçarja, Fatbardha Tafa dhe u plagos motra e saj. Rama nëpërmjet rrjetit social Twitter ka akuzuar kryeministrin, se nuk po qeveris vendin, i cili është përfshirë nga krimi dhe rendi po mungon.

Më tej Rama shprehet se, “kurrë më keq se sot s'ka qenë gjendja e rendit publik në Shqipëri prej vitit 1997 dhe kurrë më shumë s’ka pasur korrupsion e krim, ndaj duhet Rilindje".

Mësohet se Fatbardha Tafa së bashku me motrën dhe dy fëmijët, ishin duke ecur në rrugën dytësorë të Fushës së Aviacionit, ku dy persona të cilët po qarkullonin me motor, kanë tentuar për t’i vjedhur bizhuteritë.

Dyshohet se viktima dhe motra e saj, kanë bërë rezistencë me autorët, të cilët më pas e kanë goditur me armë të ftohtë, thikë 37-vjeçaren, duke gjetur vdekjen e menjëhershme ndërsa kanë plagosur motrën e saj.

Në shpërblim të personave të cilët do ndihmojnë në identifikimin e autorëve policia e kryeqytetit ka vënë nj shpërblim prej 10 mijë euro, për denoncuesin duke i ruajtur anonimatin

Burimi temes shqiperia.com

"pa merak se edhe ti ma keq se berisha je vetem doni me perfitu ne kurriz te popullit sdoni te beni gje tjeter