Vrasja e Bin Laden, heroi rrezikon të kthehet në i akuzuar

TIRANE-Mediat amerikane kanë publikuar emrin e autorit të librit, që përshkruan operacionin e vrasjes së Osama bin Ladenit.

Edhe
pse shtëpia botuese kishte kërkuar që për arsye të specifikës së këtij
operacioni emri i autorit të mos publikohej, u mësua se ai është një
prej komandove që kanë marrë pjesë në sulmin sekret në Pakistan, në
operacionin që vrau Osama bin Ladenin, Met Bajsonet.

Ai ka dalë
në pension menjëherë pas operacionit në Pakistan. Shtëpia botuese
“Dutton” kishte thënë se emri fiktiv i autorit ishte Mark Ouen.

Libri,
i cili është titulluar “Nuk ka ditë të lehta: Rrëfimi i protagonistëve
që vranë Osama bin Ladenin” pritet të dalë në tregun amerikan në
shtator. Por në Departamentin Amerikan të Mbrojtjes kanë paralajmëruar
se, në qoftë se autori ka nxjerrë informacione të klasifikuara në libër,
çështja do të hetohet nga Departamenti i Drejtësisë.

(d.b/BalkanWeb)