Shkeljet e të drejtave të njeriut, Greqia e para në BE

nga **WebMaster** Thu 11 Oct 2012 - 0:02

Shkeljet e të drejtave të njeriut në vendet e BE janë dyfishuar në 5 vitet e fundit.

Kriza
ekonomike dhe vonesat në zbatimin e reformave ligjore në vendet e
Evropës kanë minuar të drejtat e personave të dyshuar për vepra të
kryera, sipas organizatës jo-fitimprurëse “Fair Trials International”.

Raporti
i fundit i organizatës është i bazuar në të dhënat mbi shkeljen e të
drejtave të të akuzuarve, në qendrat e paraburgimit të policisë, në
gjykata dhe burgje.

Të dhënat janë cituar nga Gjykata Evropiane
për të Drejtat e Njeriut dhe intervistat me avokatët. Sipas tyre, ndër
shkelësit e mëdhenj të të drejtave të njeriut, janë vendet që vuajnë
krizën ekonomike dhe Greqia mban vendin e parë në BE.

Sipas
raportit, Greqia është kritikuar gjerësisht për abuzimin me praktikat e
paraburgimit dhe kohëzgjatjen e saj. Në raport flitet për kushtet e
"tmerrshme" të paraburgimit dhe për raste të "brutalitetit të policisë",
të cilat nuk janë hetuar në mënyrë adekuate nga ana e autoriteteve.
Raportohet gjithashtu se ndihma juridike për të akuzuarit ofrohet
rrallë.

Midis 47 shteteve në Evropë, Turqia mban vendin e parë,
në vend të dytë është Rusia, në vend të tretë Ukraina, kurse Greqia merr
vendin e katërt.

Andora, Islanda dhe Liehtenshtejni nuk regjistrojnë asnjë shkelje gjatë vitit 2011.