Korcë, shtatzëna e dhunuar nga burri humbet foshnjen në muajin e 5-të

KORCË- 28-vjeçarja Rudina Iljazi shtatzëna e cila në dhjetor të vitit të shkuar u dhunua barbarisht nga bashkëshorti i saj humbet foshnjen në mënyrë të pavullnetshme.

Mjekët e Maternitetit të Korcës, të cilët bëjnë me dije lajmin deklarojnë për News24, se aborti i 28-vjecares ishte spontan dhe ndodhi me 4 janar, ndërkohë vdekja e foshnjes u njoftua vetëm sot,

Rudina kishte hyrë në muajin e pestë të shtatzanisë së saj të cilën nuk ka mundur ta cojë deri në fund. Ndërkohë, Gjykata e Korcës dha masën “Arrest me burg” për dhunuesin Olsi Iljazi.

TENTATIVAT PËR VETËVRASJE TË DHUNUESIT
34-vjeçari Olsi Iljazi ka tentuar ti japë fund jetës dy herë. Tentativa e parë e bashkëshortit të penduar për ti dhënë fund jetës ndodhi në dhomat e paraburgimit të Komisariatit të Korçës më 13 dhjetor. Iljazi qëlloi disa herë me kokë, murin e dhomës ku qëndronte në paraburgim, ndërkohë që ka qenë ndërhyerja e shpejtë e oficerëve të sigurisë që e ka parandaluar krimin.

Tentativa e dytë ka ndodhur mbrëmjen e 14 dhjetorit në spitalin e Korcës, ku Iljazi ndodhej i shtruar për shkak të plagëve të marra pas tentativës së tij të parë për tu vetëflijuar në dhomat e paraburgimit. Tentativat rezultuan pa sukses. 34-vjeçari Iljazi u arrestua pak ditë më parë, pasi dhunoi barbarisht bashkëshorten e tij 4 muajshe shtatzënë, e cila ka marrë dëmtime të rënda në kokë si pasojë e goditjes me mjete të forta.

NGJARJA
28-vjeçarja Rudina Iljazi në muajin e katërt të shtatzanisë është rrahur dhe goditur barbarisht nga bashkëshorti i saj me mjete të forta mbrëmjen e 12 dhjetorit. Ngjarja ka ndodhur në lagjen 8 të qytetit juglindor, në banesën e prindërve të vajzës, ku ajo strehohej prej pesë ditësh pas një konflikti me familjen e burrit. Sipas të dhënave të policisë lokale, 28-vjeçarja Rudina Iljazi është goditur me sende të forta në kokë, më pas është dërguar me urgjencë nga fqinjët në spitalin rajonal, ku dhe iu nënshtrua një ndërhyrje kirurgjikale në kokë.

(e.m/BalkanWeb)

sa gjynaf o zot