Helikopter mbi burgun e Trikalas, deshton arratisja spektakolare e grekut

Greqi- Nje tjeter arratisje spektakolare me helikopter nga burgu i Trikalas ne Greqi eshte tentuar pasditen e djeshme. Kater persona ne bordin e mjetit fluturues, mes tyre dhe 2 shqiptare, i jane afruar rreth ores 17:00 burgut ne oborr dhe jane ulur ne tarrace. Skena ka zgjatur me shume se tre minuta, aq sa ne tarrace eshte shfaqur i denuari me 25 vite burgim per vrasje dhe pengmarrje, Panajotis Vlastos, i cili tentoi arratisjen edhe ne vitin 2011. Piloti ka leshuar nje pale shkalle dhe Vlastos ka hipur aty, por ne momentin e ngritjes shkallet kane kapur hekurat rrethues te burgut duke ngecur. Ky incident i dha kohe efektiveve te kunderpergjigjeshin duke qelluar ne drejtim te helikopterit. Por zjarr arme eshte derdhur edhe nga mjeti prej dy shqiptareve dhe nje greku te armatosur. Nga shkembimi i zjarrit mbeti i lenduar lehte nje efektiv, piloti grek i helikopterit, ndersa Panajotis Vlastos eshte rrezuar nga lartesia duke mbetur po i plagosur. Media greke raportoi se i lenduar ne duar dhe gjymtyre po nga renia prej lekundjes se helikopterit ne ulje, mbeten edhe dy shqiptaret, qe u arrestuan. Te gjithe te lenduarit u percollen me ambulanca dhe forca policie per ne spital, ku mbahen nen arrest. Policia greke tha se jane pa rrezik jete te gjithe, kurse arratisja ka deshtuar. Helikopteri eshte ulur ne oborrin e burgut te Trikalas, pasi e kishte te pamundur per t’u shkeputur nga hekurat ku ishin mberthyer shkallet. Po keshtu u sekuestruan disa arme zjarri te perdorura, por nuk u zbardhen identitetet e kater te arrestuarve qe do ndihmonin ne arratisje grekun e njohur te botes se krimit. Sipas medias helene, Vlastos ne vitin 2011 po nga ky burg kishte tentuar arratisjen, por pasueses. Kurse tre vite me pare ishte shqiptari Alket Rizai qe beri arratisje spektakolare me helikopter.