Hepatiti C dhe alkooli

Hepatiti C dhe alkooli

Te personat me hepatit C, madje edhe konsumimi i matur i alkoolit mund të rrisë rrezikun nga vdekja, bëjnë të ditur shkencëtarët amerikanë.
Tashmë është e ditur që konsumimi i tepërt i alkoolit mund të jetë jashtëzakonisht i rrezikshëm për personat me hepatit C, sepse sjell deri te pesëfishimi i rrezikut nga vdekja.
Rezultatet e reja bazohen në ndjekjen e 8.767 të anketuarve me hepatit C, të cilët janë ndjekur mes 13 dhe 14 viteve. Është zbuluar se si konsumimi i matur i alkoolit (konsumim i përditshëm i dy dozave me nga 10 g alkool) lidhet me rritjen mesatarisht të dyfishtë të rrezikut nga vdekja.
Revista profesionale, “Alimentary Pharniacology & Therapeutics”, shton se si konsumimi i alkoolit ka sjellë deri te rritja e rrezikut nga vdekja prej sëmundjeve të mëlçisë, por edhe nga shkaktarë të tjerë.

Hepatit është inflamacion i mëlçisë. Shoqërohet me vdekje të hepatociteve. Zverdhja (ikteri) është një nga shenjat e sëmundjes dhe është pasojë e kolestazës intrahepatike. Gjithashtu shihen dhimbje barku, diarre, dobësi, mungesë oreksi, ethe. Transaminazat janë të rritura.

Hepatiti alkoolik

1. Alkooli është shkaktari numër 1 i sëmundjeve të mëlçisë në USA.
   
2. Shenjat/simptomat: verdhëz, eritemë palmare, kontrakturë Dupuytren, teleangiektazi, gjinekomasti, etj.
   
3. Diagnoza: shenjat klinike, rritja e transaminazave, AST (GOT) afërsisht 2 herë sa ALT (GPT).
   
4. Trajtimi: Ndalim i alkoolit; cirroza trajtohet me transplant.