“Gërdeci”, arrestohet dëshmitari gjatë procesit gjyqësor

nga **Binni** Mon 1 Feb 2010 - 10:35

Një dëshmitar për tragjedinë e Gërdecit, ka përfunduar në prangat e policisë të hënën në ambientet e Gjykatës së Shkallës së Parë.
Veiz Muça, ish-përgjegjës në fabrikën e demontimit të armëve në Gërdec, është arrestuar nga policia për dëshmi të rreme.
Këtij shtetasi iu vendosën prangat në ambientet e gjykatës, pas dëshmisë që dha në procesin gjyqësor.
Arrestimi i Muçës, u bë pas kërkesën së prokurorisë, pasi kishte dhënë përgjigje të ndryshme gjatë hetimeve të Prokurorisë, pasi dëshmitë e tij kanë rënë ndesh me njëra-tjetrën.
Tashmë pritet që gjykata të marrë masën e arrestit për të.