Montobio: Jemi pro integrimit të Shqipërisë

Të jesh shofer i Bashkimit Evropian, nënkupton përveçse drejtimit të tij, edhe gjetjen e mënyrave të reja të të bërit politikë. Një fakt të tillë e ka deklaruar ambasadori i Spanjës në Tiranë, Manuel Montobio, gjatë një tryeze mbi prezantimin e strategjisë (për Ballkanin në veçanti) të presidencës së këtij vendi në krye të BE-së.
“Ne këta 6 muaj përballemi me probleme që janë në kuadër të agjendës globale si ngrohja, globalizmi etj. Por një sfidë tjetër është edhe ajo e hyrjes në fuqi të Traktati i Lisbonës, i cili do na përballë me pasojat institucionale të shtimit të kompetencave të Bashkimit Evropian”, tha Montobio lidhur me një fakt të tillë.
Më pas, ai ka pohuar se edhe kriza ekonomike në rajon është një sfidë tjetër me të cilën do përballet presidenca spanjolle e BE-së në 6 muajt e ardhshëm. Sikundër nuk ka lënë pa përmendur edhe sfidën që quajti ai atë të stabilitetit në rajonin e Ballkanit dhe promovimin e paqes dhe bashkëpunimin mes vendeve të tij.
Por Montobio përmendi të rëndësishëm edhe për Shqipërinë, Samitin e vendeve të Mesdheut. Duke shtuar se një tjetër sfidë për Shqipërinë është ai i vendosjes së tregtisë së lirë me të gjitha vendet e Bashkimit Evropian. “Interesi kryesor i Shqipërisë është ai i politikave të zgjerimit të BE. Ne i mbështesin vendet kandidate në këtë proces siç është Kroacia, Turqia dhe Shqipëria”, tha ai lidhur me një fakt të tillë.
Sipas tij, Shqipëria tashmë ka plotësuar parimet e respektimit të demokracisë dhe na krijuan bindjen se vendet e Ballkanit janë të denja për t’u futur në Bashkimin Evropian. “Nëse ju do pranoheni si kandidat i BE, politikat e tij duhet t’i konsideroni si politikat tuaja. Harta juaj për në BE është respektimi i standardeve të saj për zgjedhjet, të ketë administratë që mbështetet tek meritat e personelit, të luftohet korrupsioni etj”, tha më tej Montobio.