Situata hidrike, Berisha: Komitet emergjence

Kryeministri i Shqipërisë, Sali Berisha kërkoi ngritjen e Komitetit të Emergjencave për të përballuar gjendjen e krijuar së fundmi në hidrocentrale si pasojë e reshjeve të shumta që kanë shtuar nivelin e ujit.
Në mbledhjen e Qeverisë, kryeministri të mërkurën kërkoi marrjen e masave me qëllim që situata të kalohet me dëmet minimale.
Gjendja në zonën e Nënshkodrës po përkeqësohet, ndërkohë që banorët ende nuk e kanë marrë veten nga përmbytjet e fillimit të janarit, ku u regjistruan dëme të mëdha në bujqësi dhe blegtori. /TCH