Rrufe në Vaun e Dejës, Shqipëria 40 minuta pa drita

Rreth orës 21 të ditës së martë Shqipëria pëson “black out” elektrik. I gjithë territori i vendit zhytet në errësirë për rreth 40 minuta.
Për shkak të mungesës së energjisë elektrike shkëputet totalisht komunikimi telefonik ndërkohë energjia mungon edhe në portin më të madh të vendit, në Durrës.
OSSH njoftoi se shkak i defektit u bë një rrufe që goditi Vaun e Dejës duke shkaktuar një efekt zinxhir çka solli shkëputjen e linjës së Malit te Zi.
Një "black out" i tillë ka ndodhur për herë të fundit, në shkurt të vitit të kaluar, kohë kur Shqipëria kishte kuota tepër të larta të importit të energjisë.