Bregu: Gati edhe 8 kapituj të Pyetësorit

Grupet e punës të ngritura pranë institucioneve të ndryshme shqiptare në lidhje me plotësimin e Pyetësorit të Bashkimit Evropian kanë mundur të plotësojnë brenda një kohe mjaft të shkurtër edhe 8 kapituj të tjerë të këtij dokumenti.
Lajmi është bërë me dijeni nga vetë ministrja e Integrimit, Majlinda Bregu, gjatë mbledhjes së posaçme të Komitetit Ndërinstitucional të Integrimit.
“Janë plotësuar 8 kapituj të Pyetësorit dhe janë zhvilluar 18 mbledhje mes grupeve të punës dhe Komitetit Ndërinstitucional të Integrimit”, raportoi Bregu, duke qenë kështu optimiste mbi ecurinë e procesit, i cili sipas saj, ka lidhje direkte me përmbushjen e kushteve të heqjes së vizave me Bashkimin Evropian.
Nga ana tjetër, ajo deklaroi se është zhvilluar edhe një takim me të gjithë përkthyesit që marrin pjesë në proces, duke iu kërkuar një përkthim sa më profesional.