Kushtetuta e Kosovës/Preambula

First topic message reminder :

Ne, Populli i Kosovës,
Të vendosur për të ndërtuar një ardhmëri të Kosovës si një vend i lirë,
demokratik dhe paqedashës, i cili do të jetë atdhe i të gjithë
qytetarëve të vet; Të përkushtuar për krijimin e një shteti të
qytetarëve të barabartë, i cili do të garantojë të drejtat e secilit
qytetar, liritë qytetare dhe barazinë e të gjithë qytetarëve para
ligjit; Të zotuar që Kosova të jetë shtet i mirëqenies ekonomike dhe i
prosperitetit social; Të sigurt që shteti i Kosovës do të kontribuojë në
stabilitetin e rajonit dhe të mbarë Evropës, duke krijuar marrëdhënie
të fqinjësisë dhe të bashkëpunimit të mirë me të gjitha shtetet fqinje;
Të bindur që shteti i Kosovës do të jetë anëtar i denjë i familjes së
shteteve paqedashëse në Botë; Me synimin që shteti i Kosovës të
përfshihet në proceset integruese Euro-Atlantike; Në mënyrë solemne,
miratojmë Kushtetutën e Republikës së Kosovës.

Neni 161 [Transicioni i Institucioneve]
Me përjashtim të rastet kur Kushtetuta përcakton një transicion tjetër,
të gjitha kompetencat, përgjegjësitë dhe detyrimet e institucioneve të
përcaktuara me këtë Kushtetutë, do t’u kalojnë menjëherë atyre
institucioneve në ditën e hyrjes në fuqi të kësaj Kushtetute.
Kohëzgjatja e mandatit të secilit institucion para hyrjes në fuqi të
kësaj Kushtetute, do të mbetet e paprekur dhe e pandryshuar deri në
skadimin e rregullt, ose deri në zgjedhjet e reja.
Deri ne zgjedhjet e para parlamentare pas hyrjes në fuqi të kësaj
Kushtetute, Kryesia e Kuvendit mbetet me kompetencat e parapara në
mandatin e saj ekzistues. Pas seancës konstituive të Kuvendit të parë
pas hyrjes në fuqi të kësaj Kushtetute, Kryesia e Kuvendit
ristrukturohet në pajtim me dispozitat e kësaj Kushtetute.
Dispozitat e nenit 70.3.(3) nuk do të aplikohen deri në seancën
konstituive të Kuvendit pas zgjedhjeve të para parlamentare pas hyrjes
në fuqi të kësaj Kushtetute.
Deri në formimin e Këshillit Prokurorial të Kosovës, funksionet dhe
përgjegjësitë e tij do të i kryejë Këshilli Gjyqësor i Kosovës.

Neni 162 [Hyrja në Fuqi]
Kushtetuta e Republikës së Kosovës hyn në fuqi më 15 qershor 2008.

IRIB- Katër muaj pas shpalljes së pavarësisë së Kosovës, qeveria e
Kosovës në mënyrë zyrtare po administron Kosovës si një shtet të pavarur
me një kushtetutë të re. Në këtë mënyrë roli i OKB në Kosovë i
dorëzohet misionit të BE dhe zgjerohet misioni i forcave të natës i
quajtur KFOR. Megjithatë forcat e KFOR-it më parë kanë patur vetëm
përgjegjësinë për ruajtjen e sigurisë në Kosovë, ndërsa në bazë të një
marrëveshjeve mes vendeve anëtare të NATO-s pas hyrjes në fuqi të
kushtetutës së re të Kosovës, përgjegjësia e krijimi të strukturave
ushtarake dhe të sigurimit të Kosovës do të jetë kompetencë e forcave të
NATO-s. Në këtë kuadër trupat mbrojtëse të Kosovës do të kthehen në
forcat e sigurimit të Kosovës dhe do të trajnohen nga forcat e NATO-s.
Megjithatë Kosova një rrugë të gjatë për të bërë për të funksionuar si
një shtet i pavarur dhe sovran. Qeveria e Kosovës në fushën e sigurimit
dhe të politikës së jashtme nuk ka asnjë pavarësi veprimi ndërkohë që
qeveria e Serbisë dhe e Rusisë e kundërshtojnë rreptësisht pavarësinë e
Kosovës. edhe BE nuk dëshiron që përderisa Beogradi të mos ketë njohur
pavarësinë e Kosovës nuk dëshiron ti japë qeverisë shqiptare në Kosovë
kompetenca të plotë për administrim. Si rrjedhim megjithëse rezoluta
1244 e KS të OKB është shkelur nga vendet perëndimore që njohën
pavarësinë e Kosovës, BE vazhdon ta konsiderojë këtë rezolutë si një
bazë për bisedimet me Serbinë dhe Rusinë për miratimin e një rezolute të
re për Kosovën. Dorëzimi i kompetencave të OKB tek BE bëhet në
koordinim të plotë me sekretarin e përgjithshëm të OKB z Ban Ki Moon në
mënyrë që misioni i EULEX në Kosovë të përputhet me ligjet
ndërkombëtare. Tashmë Serbia dhe Maqedonia si dy vende fqinje të Kosovës
janë ndikuar shumë nga shpallja e pavarësisë së Kosovës dhe ndodhet në
kushte të rënda destabiliteti. Ruajtja e stabilitetit në rajonin e
Ballkanit e bën të nevojshëm kontrollimin e plotë të vendimeve të
shqiptarëve etnikë të Kosovës nga BE për një periudhë të pacaktuar.

Kushtetuta









Kushtetuta
është akti më i lartë juridik i Republikës së Kosovës. Ligjet dhe aktet
e tjera juridike duhet të jenë në pajtim me këtë Kushtetutë. Kushtetuta
është një sistem për qeverisje, shpesh e koduar në formën e një
dokumenti, e cila vë bazat e rregullave dhe principeve themelore të një
republike autonome. Kushtetuta përcakton principet themelore politike,
strukturën, procedurat, fuqinë dhe përgjegjësitë e qeverisë. Pushteti
qeverisës në Republikën e Kosovës buron nga Kushtetuta. Mënyra e punës
dhe procedurat e vendimmarrjes në Qeveri rregullohen me ligj dhe me
rregullore.

Republika e Kosovës respekton të drejtën ndërkombëtare. Secili person
dhe organ në Republikën e Kosovës u nënshtrohet dispozitave të
Kushtetutës. Gjykata Kushtetuese është organ i pavarur i mbrojtjes së
kushtetutshmërisë dhe bën interpretimin përfundimtar të
Kushtetutës.Sovraniteti i Republikës së Kosovës buron nga populli, i
takon popullit dhe ushtrohet, në pajtim me Kushtetutën, nëpërmjet
përfaqësuesve të zgjedhur, me referendum, si dhe në forma të tjera, në
pajtim me dispozitat e kësaj Kushtetute.

Rendi kushtetues i Republikës së Kosovës bazohet në parimet e lirisë,
paqes, demokracisë, barazisë, respektimit të të drejtave dhe lirive të
njeriut dhe sundimit të ligjit, mosdiskriminimit, të drejtës së pronës,
mbrojtjes e mjedisit, drejtësisë sociale, pluralizmit, ndarjes së
pushtetit shtetëror dhe ekonomisë së tregut.

Historia e Kushtetutës së Republikës së Kosovës

Drafti i Kushtetutës së re të Republikës së Kosovës u përgatit dhe u
publikua në Prill të vitit 2008. Shumë nga nenet e draftit të
Kushtetutës së re u bazuan dhe rrjedhuan nga plani i Ahtisaarit, kështu
që kushtetuta u garantonte të drejta të veçanta grupeve të minoriteteve
dhe siguronte një mjedis më të sigurte për të gjithë qytetarët e
Republikës së Kosovës.

17 Shkurt, 2008 - Kosova u shpall shtet sovran, i pavarur më 17 Shkurt të 2008, në mbledhjen e jashtëzakonshme të Kuvendit të Kosovës. Deklarata e Pavarësisë ishte një Akt i Kuvendit të Kosovës
si Institucion i Përkohshëm i Vetë-Qeverisjes, i pranuar unanimisht nga
të gjithë anëtarët prezentë të kuvendit, 109 anëtarë. Deklarata e
Pavarësisë u lexua nga Kryeministri i Kosovës, z. Hashim Thaqi
2 Prill, 2008 - Komisioni Kushtetues miraton
tekstin e Projekt–Kushtetutës së Republikës së Kosovës. Po në këtë ditë
Projekt – Kushtetuta e Republikës së Kosovës Certifikohet.

8 Prill, 2008 - Kushtetuta e Republikës së Kosovës
nënshkruhet nga Presidenti I Republikës së Kosovës në Bibliotekën
Kombëtare të Kosovës, Prishtinë, Kosovë.

9 Prill, 2008 - Draft- Kushtetuta e Republikës së Kosovës u ratifikua në Kuvendin e Republikës së Kosovës.
15 Prill, 2008 - Kushtetuta e Republikës së Kosovës u fuqizua plotësisht si akti më i lartë juridik i Republikës së Kosovës.

Para nënshkrimit të Kushtetutës së Republikës së Kosovës Kosova
qeverisej në kuadër të Kushtetutës së Përkohshme , bazuar në Rezolutën
1244 e Këshillit të Sigurisë së Kombeve të Bashkuara. Kjo rezolutë më
vonë u ratifikua në vitin 2001, gjë e cila fuqizoi Institucionet e
Përkohshme të Vetë-Qeverisjes, duke i lënë autoritetin final një
Përfaqësuesi Special të Sekretarit të Përgjithshëm të Kombeve të
Bashkuara.

Preambula e Kushtetutës së Republikës së Kosovës
"Ne, Populli i Kosovës,

1. Të vendosur për të ndërtuar një ardhmëri të Kosovës si një vend i
   lirë, demokratik dhe paqedashës, i cili do të jetë atdhe i të gjithë
   qytetarëve të vet
   
2. Të përkushtuar për krijimin e një shteti të qytetarëve të barabartë,
   i cili do të garantojë të drejtat e secilit qytetar, liritë qytetare
   dhe barazinë e të gjithë qytetarëve para ligjit
   
3. Të zotuar që Kosova të jetë shtet i mirëqenies ekonomike dhe i prosperitetit social
   
4. Të sigurt që shteti i Kosovës do të kontribuojë në stabilitetin e
   rajonit dhe të mbarë Evropës, duke krijuar marrëdhënie të fqinjësisë dhe
   të bashkëpunimit të mirë me të gjitha shtetet fqinje
   
5. Të bindur që shteti i Kosovës do të jetë anëtar i denjë i familjes së shteteve paqedashëse në Botë
   
6. Me synimin që shteti i Kosovës të përfshihet në proceset integruese Euro-Atlantike
   

Në mënyrë solemne, miratojmë Kushtetutën e Republikës së Kosoves"