Kuriozitete dhe zbulime të rëndësishme ne lidhje me mjekësinë

First topic message reminder :

Aspirina ul vdekshmërinë te të sëmurët me zemër...

Tek personat që vuajnë nga zemra, marrja rregullisht e aspirinës në doza të vogla, ul incidencën për infarkt, iktus apo dhe vdekjet e parakohshme.
“Edhe pse aspirina shton rrezikun e hemorragjive, dobitë që sjell janë më të larta sesa dëmet që mund të shkaktojë”, nënvizon Dr. Jeffrey. S. Berger, i “Duke Clinical Research Institute” të Durhamit, drejtues i një studimi të publikuar kohët e fundit në “American Journal of Medicine”.
Bëhet fjalë për një nga studimet e para që përqendrohen në injektimin e aspirinës në doza të vogla në popullsinë që vuan nga sëmundjet kardiovaskulare të qëndrueshme.
Në krahasim me grupin që është trajtuar me placeb, personat që janë kuruar me aspirinë, kanë regjistruar një ulje me 13 % të probabilitetit për të vdekur gjatë periudhës së “follow-up”, një ulje me 26% të probabilitetit të infarktit jo fatal dhe një ulje me 25% të probabilitetit të shfaqjes së një iktusi.
Aspirina në doza të vogla (nga 50 në 100 miligramë në ditë) ka rezultuar po aq efikase në dozat më të larta (më tepër se 300 miligramë).
Ndërsa për sa i përket rreziqeve që shfaq aspirina, ekipi i Berger-it përllogarit se te mbi 1000 pacientë medikamenti shmang 33 infarkte apo iktuse dhe 14 vdekje për shkak të rreth 9 episodeve të hemorragjisë së rëndë.

Nikotina

Shkencëtarët thonë se nikotina nuk është më shumë e dëmshme sesa kafeina, por ajo që e bën të rrezikshme nikotinën është mënyra e marrjes së saj nëpërmjet tymosjes. Sipas një studimi në kolegjin mbretëror të mjekëve në Londër, duhani pa tym është 10 herë më i padëmshëm sesa tymi i cigareve.

Duhanpirja

Rezultatet e studimit "diskutimi i ekspozimit të duhanpirësve pasivë" tregojnë se, pirja pasive e duhanit rrit rrezikun e kancerit të gjirit, sidomos te gratë para menopauzës, në një shkallë të ngjashme si duhanpirësit aktivë. Rezultatet janë publikuar në "International Journal of Cancer" dhe tregojnë se rreziku është i njëjtë .

Krijimtaria

Një jetë aktive seksuale dhe krijimtaria mund të ecin dorë për dorë së bashku, sipas një studimi të ri britanik, i cili ka vënë re se artistët dhe poetët profesionistë kanë rreth dyfishin e partnerëve seksualë në krahasim me njerëzit e tjerë. Krijuesit shpesh cilësohen shumë joshës. Ata prodhojnë art e poezi që rrëmben interesin e njerëzve.

Bakteri

Një bakter vdekjeprurës, i cili shfaqet te njerëzit që trajtohen me antibiotikë po përhapet në Amerikën Veriore dhe është edhe rezistues ndaj ilaçeve. I provokuar nga antibiotikët brenda zorrëve të pacientëve të spitaleve, bakteri ka treguar aftësinë për mutacion dhe ka rritur rezistence ndaj mjekimeve, tregon raporti.

Mbipeshe

Një studim i ri ka treguar se fëmijët e lindur nga nënat që pinë duhan apo janë në mbi peshë, lindin mbi peshë. Shkencëtarët kanë zbuluar se, fëmijët që lindin nga nëna që janë mbi peshë gjatë shtatzënisë së tyre janë tri herë më shumë të rrezikuara për të qenë me shëndet të tepërt.

Injeksionet

Veterinerët në kopshtin zoologjik në Romë kanë trajtuar një luan të moshuar për artritin, duke i futur 50 pilula floriri në muskujt e tij, thanë zyrtarët. Luani aziatik i quajtur Bellamy, kishte vështirësi në të ecur deri në mbarimin e procedurës dy javë më parë, ku pilulat 24-karat të floririt u futën në muskujt e tij afër kyçeve

Shenjat e gishtave

Provat që kanë të bëjnë me shenjat e gishtërinjve ka kohë që po konsiderohen dyshuese. Nëse vërtetohet se ato nuk janë shumë të sakta, kjo do të thotë se duhet të rihapen shumë çështje gjyqësore në të gjithë botën. Askush nuk e diskuton se shenjat e gishtërinjve janë një vegël e mirë e policisë, por qëndron edhe fakti që, edhe pse kjo metodë ka më shumë se një shekull që përdoret, në mënyrë shkencore provat e shenjave të gishtërinjve nuk janë vlerësuar kurrë. Ka shumë raste që e bëjnë dyshuese provën e tyre, duke e komplikuar jetën e njerëzve të thjeshtë me çështje kriminale.

Dhëmballët e pjekurisl, rrezik për shtatzaninë

Sëmundja peridontale, e cila gjatë shtatzënisë rrit rrezikun e një rezultati jo të favorshëm që përfshin lindjet e parakohshme dhe peshën e vogël të lindjes, mund të fillojë më herët nga ç'mund të mendohej. Sipas llogaritjeve të fundit të shkencëtarëve ajo nis që kur pacientët arrijnë moshën 20-vjeçare, kohë që përkon me daljen e dhëmbëve të pjekurisë. Përfundimi doli i njëjtë në sy studime të ndryshme. Dhëmbët e pjekurisë apo dhëmballët e treta janë një vend i përshtatshëm mbarështimi për bakterin "gram-negative" që shkakton sëmundjen peridontale. Dy grupet e shkencëtarëve i kanë paraqitur zbulimet e dy studimeve të tyre në "American Association of Oral and Surgeons" (Shoqatën amerikane të kirurgjisë së gojës dhe fytyrës).

Temperatura "pa shkak", sinjal tumori:

Temperaturë me origjinë të panjohur? Mund të përfaqësojë një këmbanë alarmi për zhvillimin e një tumori. Të paktën kështu thuhet në revistën "Lancet". Kjo tip temperature zakonisht është më e lartë se 38 gradë, zgjat rreth 3 javë dhe është e vështirë të individualizohen shkaqet e shfaqjes së saj. Studiuesit e "Departament of Clinical Epidemiology dell'Aarhus University Hospital", në Danimarkë, kanë hedhur hipotezën se pacientët e prekur nga kjo lloj temperature me origjinë të panjohur janë më të riskuar për t'u prekur nga një tumor.
Për të testuar këtë hipotezë, studiuesit kanë analizuar të dhënat e rreth 43.205 pacientëve të shtruar në spitalet daneze nga viti 1977 deri në vitin 1997, për shkak të një temperature me origjinë të panjohur. Vitin që pasoi në këto spitale janë diagnostikuar 399 raste me tumore. Rreziku ka qenë më i lartë për tumoret hematologjike, por dhe për tumoret në mëlçi, tru, veshka, kolit dhe pankreas. Megjithëse i ulët, rreziku ka qenë prezent deri një vit pas shtrimit në spital. Madje dhe nivelet e vdekshmërisë kanë qenë më të larta te pacientët që kanë patur një histori temperature me origjinë të panjohur.

Era e keqe e gojes


Era e keqe nga goja paraqet një pakëndshmëri të madhe, mirëpo është një problem shumë i shpeshtë. Më shumë se 90 milionë njerëz vuajnë nga era e keqe kronike nga goja.
Nganjëherë e injorojmë higjienën e keqe dentale dhe kjo nuk është një shenjë e mirë. Nëse zgavra e gojës është e shëndoshë atëherë ky është një element pozitiv jo vetëm për erë të mirë, por për mungesën e sëmundjeve.
Për të shmangur erën e keqe nga goja rekomandohet larja e rregullt e dhëmbëve dhe e zgavrës së gojës. Pastaj përtypja e çamçakëzëve nxit prodhimin e pështymës e cila ka një ndikim pozitiv në largimin e erës së keqe. Përveç çamçakëzëve preferohet edhe përtypja e cemetit, por pa sheqer.
Sa më shumë ujë që pimë, është aq më mirë për ta shmangur dehidrimin, dhe në këtë mënyrë ndikohet pozitivisht për ta penguar erën e keqe. Koret e bukës ndihmojnë shpesh në shmangien e erës së keqe.
Era e keqe nga goja mund të jetë pasojë e ndonjë sëmundjeje të ndryshme, siç janë infeksionet, sëmundjet e mëlçisë dhe veshkave. Që të jeni të sigurt vizitoni mjekun.

Dietat e shpejta dëmtojnë zemrën!


Tek femrat anorekse dhe ato që kanë humbur shumë shpejt peshën e trupit mund të lajmrohen probleme në zemër, të rrezikshme për jetën, të cilat bëhen të dukshme gjatë ushtrimeve, pohojnë shkenctarët Amerikan.
Me vite është e njohur se tek femrat të cilat të sëmura nga anoreksia paraqiten probleme në zemër, tek të cilat paraqiten të rrahura të pakta në zemër dhe dëmtim të muskulit të zemrës.
Përveç kësaj, shkenctarët besojnë se vdekja e menjëhershme në rastin e të sëmurëve nga anoreksia kryesisht është rezultat i problemeve në zemër.
Dr. Suzanne Riggs dhe kolegët e saj nga spitali pediatrik Hsabro në vendin Providence në Rhode Island, kanë studiuar punën e zemrës tek 36 vajza me moshë prej 11 deri 18 vjet, të cialt ishin të hospitalizuara për shkak mosushqyerjes të shkatuara nga anorekisa. Deri sa aparatet kanë matur punën e zemrës dhe metabolizmin e saj, këto vajza ushtronin në biçikleta të dhomës duke simuluar vozitjen e saj në tatëpjetë. Ato kishin ndërprerë ushtrimet kur janë lodhur shumë.
33% nga këto vajza të kontrolluara pastaj, duke përfshirë edhe ato që kanë ushtruar çdo ditë për disa orë, kishin zemër të dobësuar mesatarisht apo edhe fort.
Personat që nuk kanë probleme me zemër gjatë vozitjes së biçikletës në momente të caktuara do të arrijnë maksimumin e tyre. Para se të arrijnë maksimumin do të kalojë një kohë e gjatë, harxhimi i oksigjenit në kulm të ushtrimeve do të jetë e madhe, dhe kalimi nga metabolizmni aerob në atë anaerob do të kalojë një kohë e gjatë.
Përveç kësaj, zemra e personave normal do të ketë më shumë forcë për ushtrime.
Vajzat anoreksike shumë shpejt do të vijnë deri te maksimumi i tyre (i ulët), me harxhim të vogël të oksigjenit, dhe kalimi në metabolizmin anaerob do të ndodh shumë shpejt, çka do të thotë se kanë shumë tolerancë të dobët në rritjen e numrit të rrahjeve të zemrës.

Vera i bën mirë zemrës së femrës:

Pirja e dy gotave verë çdo ditë i bën mirë zemrës së grave. E ndihmon “të mbajë ritmin”, i lejon të përshtatet më shpejt nevojave të ditës. Aspekt shumë i rëndësishëm ky, që tregon shëndet shumë të mirë dhe ul rrezikun e infraktit. Në këto përfundime ka arritur një studim suedez botuar në revistën mjekësore “Heart”.
Studimi, i udhëhequr nga Instituti “Karolinska” në Stokholm, ka patur subjekte 120 gra nën 75 vjeç, të mbijetuara nga të një infrakt ose bllokim venash. Efektet e mira janë shumë skarse nëse vera zëvendësohet me birrë ose një pije superalkolike. Ndërsa vera, e cila ka një efekt relaksues mbi sistemin nervor, i mundëson zemrës “ta marrë me qetësi” punën e saj. Ka mundësi që këto efekte lidhen me faktin se kush pi verë bën një gjumë më të qetë, duke i lejuar organit të zjarrit të pushojë.

9 këshilla për të pasur një gjumë të qetë:

1- Është mirë që të mos flini gjatë ditës
2- Kufizoni kafeinën dhe alkoolin
3- Mos pini duhan, nikotina vështirëson rënien në gjumë
4- Ekspozoni veten ndaj dritës së diellit
5- Bëni ushtrime fizike herët në mëngjes
6- Kontrolloni nivelet e hekurit në gjak
7- Relaksohuni para se të shkoni për të fjetur
8- Mos bëni asgjë stimuluese
9- Mbani dhomën e gjumit të qetë, dhe të rehatshme

8 mënyrat më praktike për të mbrojtur sytë nga ekrani i Kompjuterit:

1- Sfondi përtej ekranit të mos jetë asnjëherë krejt i errët.
2- Të mos ketë reflekse në ekran.
3- Kontrasti dhe drita e ekranit të rregullohen në vlera mesatare.
4- Ekrani duhet të jetë rreth 50-60 cm larg syve.
5- Mundësisht të përdoret filtër për ekranin kundër reflekseve.
6- Të shpluhuroset shpesh ekrani.
7- Gjatë punës para kompjuterit është mirë që disa herë në orë të shkëputet shikimi nga ekrani për rreth një minutë.
8- Të rrotullohen sytë në ambientin përreth ose të paktën çdo një orë të bëhet një pushim prej 15 minutash.

Studjuesit krijojne nje zemer bio-artificiale ne laborator.

Nese zemra e njeriut mund te krijohet nga organe kafshesh, keto te fundit do te shpetojne jete njerezish. Studiuesit e Universitetit te Minesotes qe po perpiqen te gjejne kurime te reja per semundjet e zemres kane rritur nje zemer miu ne laborator duke perdorur qeliza embrionale. Perfundimet e studimit te botuar ne revisten "Nature Medicine" vendosin bazat per transplantimin e atyre qe shkencetaret i quajne organe bio-artificiale te njerezit. Ekspertet thone se ne te gjithe boten llogaritet te jene rreth 100 milione njerez, zemrat e te cileve nuk arrijne te ushqejne me gjak trupin e tyre. Ne eksperimentet e tyre, studiuesit hoqen zemrat e minjve te sapolindur te laboratorit dhe ua hoqen qelizat. Studiuesja kryesore, Doris Taylor, qe drejton Qendren e Universitetit te Minesotes per Riparimin Kardiovaskular,
thote se shkencetareve u mbeti ne dore nje mase e bardhe proteinash ne forme zemre, qe permbante tuba aty ku kishte pasur ene gjaku. Dr. Taylor thote se keto skelete zemrash u mbushen permes injektimit te disa qelizave qe kane aftesine e riperteritjes dhe transformim, pak a shume si qelizat embrionale. Brenda pak ditesh, thote Doktoresha Taylor, zemrat e minjve filluan te krijojne qeliza nga jashte.
Qelizat e reja iu injektuan lende ushqyese dhe ndaj tyre u perdor nje stimulues kardiak. Pas kater ditesh, studiuesit vune re disa tkurrje ne zemrat e minjve.
Doktoresha Taylor thote se pas tete ditesh organet eksperimentale filluan te qarkullonin leng lehte. Nese kjo metode perfeksionohet ne zemra me te medha do te mund te perftoheshin rezerva te pakufizuara organesh te nevojshme dhe studiuesit thone se perdorimi i qelizave baze te vete pacientit do te sillte si rezultat qe nje zemer bio-artificiale t’i pershtatej sistemit imunitar te tij.
Hapi i ardhshem ishte perdorimi i kesaj procedure ne nje zemer derri per te pare nese do te funksionoje ne nje zemer me te madhe. Doktoreshe Taylor thote se zemrat bio-artificiale per njerezit mund te perftohen nga organet e derrit, sepse kane pothuajse te njejten mase. Valvulet e derrave perdoren per zevendesimin e valvuleve te dala jashte perdorimit te njerezit.

Brokoli ndihmon për të mabajtur të shëndetshëm aparetin e frymëmarrjes:

Të paktën ky është rezultati i një studimi të kryer nga ekipi i "R&S" i "Bios Line", që ka identifikuar se disa përbërës natyral që ndodhen në familjen e kruçifereve (lakra, lulelakra, etj) kanë efekt mjaft të mirë, në sistemin e frymëmarrjes. Duhani dhe ndotja atmosferike sulmojnë çdo ditë rrugët e frymëmarrjes. Vështirësi në frymëmarrje, kollë në mëngjes, sekrecione dhe broshit janë ankesat më të shpeshta që shfaqen nga aparati i frymëmarrjes te duhanpirësit, por dimë se dëmet që shkakton smogu janë të ngjashme me ato që shkakton dhe duhani. Perime si lulelakra, sallata jeshile, brokoli, lakra e bardhë, rrepat, rukolat mbrojnë organizmin nga efekte e dëmshme të duhanit dhe ndotjes atmosferike. Sipas autorëve të studimit efekti mbrojtës i atribuohet disa substancave natyrore që mbrojnë aparatin e frymëmarrjes së duhanpirësve, duke aktivizuar sistemet enzimatike intoksikues, nëpërmjet një procesi që vepron në nivel molekulash. Veprimi i këtyre bimëve lidhet me një faktor të veçantë, faktori "Nrf2", i aftë të rregullojë në mënyrë precize aktivitetin e geneve të pranishme në ADN e bërthamës.
"Jemi duke punuar prej më shumë se një viti me këtë projekt. Fillimisht kemi parë funksionet kryesore të faktorit "Nrf2", duke kaluar më pas në efektin e ekstrakteve bimore, që përdoren më tepër për krijimin e një përbërësi ushqimor specifik. Nëpërmjet këtyre analizave, kemi arritur të individualizojmë ekstrakte bimore duke standardizuar në to, principet aktive ku janë përqendruar më shumë. Nga kjo është parë se bimët si brokoli, lulelakra, rrepa, etj kishin nivele më të larta të faktorit "Nrf2",- nënvizojnë autorët e studimit.

Çokollata; e mirë për zemrën por e dëmshme për kockat!

Çokollata ka veti antioksidante dhe antidepresive, ndikon në qarkullimin e gjakut, ul rrezikun kardiovaskular dhe ka veti dobiprurëse në funksionin endotelialë.
Sipas një studimi të publikuar në revistën "American Journal of Clinical Nutrition", konsumimi i shpeshtë i çokollatës shton rrezikun si të osteoporozës ashtu dhe të frakturës kockore te gratë që janë në moshë të madhe. Në studim kanë marrë pjesë një kampion prej 1460 grash të moshave nga 60 deri në 75 vjeç dhe ka rezultuar se konsumi ditor çon në uljen dendësisë kockore deri në 3,1 për qind në krahasim me ato që konsumonin të paktën një herë në javë çokollatë. Një rezultat ky që flet për një rritje të rrezikut për shfaqjen e osteoporozës dhe shfaqjen e frakturave kockore.
Shkaku i këtij efekti lidhet me ndikimin që ka çokollata në përthithjen e kalciumit nga ana e kockës, që mund të japë një dobësim të strukturës skeletore të femrës. "Studimi mund të ketë efekte të mëdha për parandalimin e osteoporozës, por nevojiten prova të tjera për ta konfirmuar", pohojnë autorët e studimit.

Aspirina parandalon zmadhimin e prostatit

Shkencëtarët duket se kanë gjetur një tjetër arsye për marrjen e përditëshme të aspirinës
Një studim i ri lë të kuptohet se ilaçet jo steroidale dhe kundër temperaturës si aspirina ose Ibuprofen mund të parandalojnë ose vonojnë zmadhimin e prostatit. Kjo sëmundje e quajtur Bening Prostatic Hyperplasia shkakton shrregullime në sistemin e urinimit tek të moshuarit. Nga kjo sëmundje preken rreth 25 përqind e burrave mbi 40 vjeç.
Gjatë studimit ku morrën pjesë 2500 burra, u vu re se ata që përdorinin rregullisht aspirina ishin 50 përqind më pak në rrezik për t’u prekur nga zmadhimi i prostatit.
Megjithatë shkencëtarët nuk janë të sigurt se në ç’mënyrë ndihmon aspirina në këtë drejtim dhe vënë në dukje se aspirina dhe ilaçe të tjera të ngjashme kanë edhe efekte anësore, prandaj është e nevojëshme këshillimi me mjekun para përdorimit

Kremi i tepërt shkakton infeksione


Shpesh gjatë periudhës së dimërit njerëzit përdorin krem për zbutjen e buzëve kur lëkura thahet ose plasaritet. Por shkencëtarët pranë universitetit të Alabamës paralajmërojnë se lyerja e tepruar e buzëve me krem mund të bëhet shkak për ifeksione.
Ata thonë se kremi zbut lëkurën dhe e bën atë të pambrojtur nga bakteret dhe infeksione të ndryshme.
Mjekët këshillojnë që sasia e kremit ose pomadës kundër plasaritjes së buzëve të kufizohet në maksimum dhe të mundësisht ajo të përdoret vetëm për mbrojtjen e buzëve gjatë një moti tepër të ftohtë.

Lëvorja e mandarinës, ilaç kundër kancerit:

Shkencëtarët britanikë janë aq të impresionuar me ndikimin e përmbajtjes nga lëvorja e mandarinës, sa që e kanë patentuar zbulimin e tyre, duke hapur fabrikë për prodhimin natyror të ilaçit kundër kancerit. Lëvorja e mandarinës do të mund të ndihmonte në luftën kundër tumorit. Në fakt, qelizat e kancerit të njeriut, të cilat përmbajnë enzimën P450 CYP1B1, janë të dëmtuara me substancën salvestrol Q40, të cilën e përmban lëvorja e mandarinës, kanë publikuar shkencëtarët e Leicester School of Pharmacy. Ky zbulim do të mund të sillte deri tek mënyrat e reja të shërimit të kancerit të gjirit, mushkërive dhe vezoreve. Shkencëtarët përmendin se ky është vetëm hapi i parë drejt zbulimit të ilaçit, i cili në treg do të mund të paraqitej për pesë deri në shtatë vjet.

Prirja per embelsira mund te coje ne depresion.

Hulumtimet
e fundit të shkencëtarëve amerikanë bëjnë të ditur se fëmijët me prirje
të mëdha për ëmbëlsira kanë më shumë gjasa për të vuajtur nga
depresioni, ndërsa në moshë të shtyrë edhe nga problemet e lidhura me
konsumimin e tepërt të alkoolit.
Revista shkencore “Addiction”
shkruan se rezultatet e fituara mund të shpjegohen me aktivizimin e të
njëjtave mekanizma në tru, si ato të lidhura me kënaqësinë në ushqimin e
ëmbël dhe alkoolin.
Në studim kanë marrë pjesë 300 fëmijë të moshës
nga 5 deri 12 vjet. Testimi ka treguar se prirja për ushqime dhe pije të
ëmbla, është njëjtë e lidhur me prirjet për simptomat e depresionit.
Krahas
kësaj, kjo dukuri ka qenë më e shprehur te fëmijët të cilët kanë më
shumë anëtarë të familjes që e kanë tepruar me konsumimin e alkoolit....

Birra mbron eshtrat.

Studimet e reja sjellin
disa lajme të mira për ata që pëlqejnë birrën. Hulumtimet e fundit kanë
treguar se birra është një burim i rëndësishëm i silicit, përbërësit kyç
në dendësimin e masës kockore.
Silici në birrë është i pranishëm në
formë të tretur dhe kjo e bën birrën një prej burimeve më të rëndësishme
të silicit në ushqimin në botën perëndimore.
Studimi po ashtu tregon
se birra e ndritshme ka nivel më të lartë të silicit, ndërsa birra pa
alkool, birra e lehtë dhe birra e grurit kanë më së paku.
Falë
rezultateve të këtij studimi, shkencëtarët mendojnë se konsumimi i matur
i birrës mund të jetë i një ndihme të vlefshme në luftën kundër
osteoporozës....

Japoni, shpiket kontrolluesi i cilësisë së gjumit

Në
Japoni vjen një shpikje e re që quhet "sleep scan". Kjo risi kontrollon
dhe vlerëson cilësine e gjumit, ndërsa nxjerr në pah anomalitë e tij.
Një minitapet ultra-teknologjik vendoset në shtrat dhe është i pajisur me sensorë të brendshëm.
Gjatë
gjumit këta sensorë regjistrojnë disa të dhëna, mes të cilave edhe të
rrahurat e zemrës, lëvizjet e trupit të cilat konvertohen me imazhe në
një kartë memorje. Pikërisht këto të dhëna shfrytëzohen për të marrë
anomalitë gjatë gjumit të njeriu. Kjo shpikje do të hidhet në treg në
muajin maj në Japoni dhe kostoja do të jetë rreth 290 euro...

SIDA, Burrat me te rrezikuar nga grate shtatzena.

Burrat kane nje rrezik te dyfishte per t’u infektuar me virusin e SIDA-s nese partnerja e tyre eshte shtatzene.
Perfundimin
e ka nxjerre nje studim i kryer mbi 3 mije çifte afrikane ne 7 vende te
ndryshme: Botswan, Kenia, Ruande, Afrike e Jugut, Tanzani, Ugande e
Zambi, pasi eshte percaktuar me pare se grate shtatzena jane me
vulnerabel ndaj infeksionit te HIV.
Seksi i pambrojtur eshte nje
nder motivet per te cilin burrat preken me shume nga semundja nese kane
marredhenie seksuale me grate shtatzena..

Kakao ul tensionin e gjakut.

Studimet e reja të
shkencëtarëve spanjoll të Universitetit Complutense në Madrid, kanë
zbuluar se përbërësit e kakaos kanë efekt të fuqishëm antihipertenziv.
Gatë
17 javëve sa ka zgjatur studimi, pas konsumimit të përditshëm të 0.75
gramëve të përbërësve të tretshëm të kakaos, vlerat e tensionit sistolik
kanë rënë për 10-15 mmHg.
Ky ekstrakt i pasur me antioksidues dhe
polifenole është treguar i shkëlqyeshëm në uljen e nivelit të
angiotenzinës II, duke treguar kështu veti të ACE-inhibitorëve.
ACE-inhibitorët
(barnat për uljen e tensionit), pengojnë shndërrimin e angiotenzinës I
në angiotenzinë II, që është një vazokonstriktor i fuqishëm – shtrëngon
enët e gjakut duke shkaktuar kështu ngritje të tensionit të gjakut.
Ekstrakti
i pasur me përbërës të kakaos është treguar efektiv edhe në uljen masës
trupore, që ka ndihmuar edhe më tepër në kontrollimin e tensionit.

Frekoendimi ne cift...

Riprodhimi njerezor eshte mi i sigurte kur burri eshte me i madh ne modhe se sa partnerja.
Studiuesit ne Suedi testuan 12.000 Çifte te grup-moshave 45-55 vjec.
Nga eksperimentet rrezulltoi se idealja e frekoendimit eshte tek Çiftet ku gruaja eshte 6 vjet me e re se partneri.

Kremi i ri antirrudhe...

Shume shpejt mund te hidhet ne treg nje krem antirrudhe i prodhuar nga helmi
i gjarperinjve dhe qe eshte mjaft efikas ne lekuren e fytyres.
Kete gje e bejne te ditur nje grup mjekesh italiane qe jane duke punuar per te
rene e fundit ne boten e kozmetikes.
Kremi nuk do te kete asnje efekt anesor dhe mund te perdoret pa rekomandimin e mjekut.
Ai vepron duke tendosur kapilaret e lekures dhe duke mos ilene te formojne çarje si rrudha...

Caji parandalon Infarktin e zemres tek femrat.

Sipas një studimi të ri, femrat të cilat pinë nga tri gota çaj në ditë janë
të mbrojtura nga infarkti i zemrës dhe nga sulmi në tru.
Çdo e treta femër, e cila kishte marrë pjesë në këtë studim,
kishte pasur një pllakë të rrezikshme yndyrore në arterien e qafës,
nga këto pllaka zhvillohet dëmtimi i enës së gjakut, i njohur si arterosklerozë.
Pjesëmarrësit në studim ishin të moshës mesatare mbi 70 vjet,
ndërsa kishte dy herë më shumë femra se meshkuj.
Madhësia e pllakës yndyrore të pranishme në arteriet pjesëmarrësve ishte
caktuar me anë të ultrazërit.
Rezultatet kanë treguar se meshkujt, nuk kishin dobi të ngjashme me femrat
nga pirja e çajit. Kjo shpjegohet me anë të një teorie, sipas së cilës komponentët
e pranishëm në çaj kanë mundësi që ta zëvendësojnë hormonin e estrogjenit,
ndërsa ky hormon i mbron femrat nga sëmundjet kardiovaskulare

Rreziku nga hemoragjia celebrale:

Koheve te fundit, nje rrezik i madh per shendetin eshte hemoragjia cerebrale.
Femrat jane ato qe preken me shpejt se meshkujt nga kjo semundje.
15 % e pacienteve jane nen 45 vjec. Hemoragjia cerebrale quhet ndryshe,
edhe infarkti i trurit. Ai vjen si rrjedhim i bllokimit te nje arterie ne tru, qe pengon
dhe qarkullimin e gjakut.
Faktoret kryesore qe ndikojne ne avancimin e kesaj semundjeje kaq te rrezikshme
te grate janë: Pillat, Pirja e duhanit, Mbipesha dhe Migrena. Nese keto kater faktore
do te puqeshin së bashku, rreziku per nje emoragji cerebrale do te ishte i dyfishte dhe
shume i rrezikshem per jetën, aq sa mund te themi vdekjeprures.
Ne tre oret e para pas renies se infarktit, kemi masen e shpejte me medikamente.
Ne rastet kur pacienti nuk arrin te permiresohet me medikamente, eshte i detyrueshem
nje operacion urgjent. 80 per qind e ketyre pacienteve nuk mbijetojne me shume se nje jave.
Ndersa pacientet qe arrijne te mbijetojne dhe te permiresohen brenda 48 oreve, kane
shanse te mira per jetese.
Per te menjanuar nje semundje te tille te rerzikshme, nje kujdes i madh duhet treguar me
ushqimin dhe sportin. Menjanimi i lyrerave si dhe ushtrimi i sportit eshte nje domosdoshemeri,
qe rregullon cilesine e jetes se njeriut.

Punët monotone të mpijnë mendjen

Shkencëtarët kanë zbuluar se njerëzve që bëjnë punë monotone, u mpihet truri.
Kjo nuk është dhe aq çudi.
Duke monitoruar zonën e trurit, ata janë në gjendje të parashikojnë nëse dikush do të bëjë ndonjë gabim para se ta bëjnë.
"Ekziston
diçka e brendshme që thotë se truri ka nevojë për pushim dhe ju s'mund
të bëni asgjë për ta ndryshuar", thotë autori i studimit, doktor Tom
Eichele nga Universiteti I Norvegjisë. Kur kjo ndodh, gjaku qarkullon në
atë pjesën të trurit që është më aktiv në gjendje pushimi.