Kasahpane ne Korce, 4 te vrare, emrat e tyre

Rëndohet bilanci i viktimave të raportuara mbrëmjen e sotme në Korçë. Pas arrestimit të të dyshuarit, mësohet se ai ka vrarë katër persona.

Policia tha se 34 Bashkim Latollari fillimisht ka vrarë dajën dhe bashkëshorten e tij, Rexhep dhe Valentina Mecollari dhe më pas i ka marrë jetën çiftit tjetër, Belimin dhe Daniela Deçollari.



Si u mësua masakra

Sonte rreth orës 20.10, u raportua se dy persona kanë humbur jetën pasi janë vrarë me armë zjarri dhe trupat e tyre janë gjetur në juglindje të vendit.

Të vrarët u gjetën në afërsi të fshatit Gjonomadh në rrugën që lidh Korçën me Voskopojën.

Policia tha një nga viktimat është identifikuar me emrin Belimon Deçollari kurse viktima tjetër është bashkëshortja e tij, Daniela Deçollari, banorë të fshatit Gjonomadh, të moshës përkatësisht 35 dhe 32 vjec.

Si autor të dyshuar të krimit, policia arrestoi shtetasin Bashkim Latollari, 30 minuta pas vrasjes. Ai është banor i të njëjtit fshat ku jetonin viktimat.

Por pas prangosjes së tij, policia njoftoi se viktimat janë katër, pasi veç çiftit Deçollari, i dyshuari akuzohet se ka vrarë edhe dajën me bashkëshorten e tij.

Masakra është kryer teksa Rexhep dhe Valentina Mecollari gjendeshin me dy fëmijët e tyre të vegjël 2 dhe 6 vjec, dhe krimi u krye në sy të tyre.